BAEBOLO KPUYA MƆƆ BƐBUA

Nienwu a ɛtane vi rale a?

Gyisɛse ɛlɛkpo ewiade arelemgbunlililɛ ne mɔɔ Abɔnsam vale hilele ye la — Nwane a bɔle mɔdenle kɛ ɔmaa Gyisɛse ayɛ ɛtane a?—Mateyu 4:8-10

Fane dɔɔnwo ne ala, menli kulo kɛ bɛtɛnla anzodwolɛ nu, bɛdi nɔhalɛ na bɛyɛ atiakunlukɛnlɛma. Ɛnee duzu ati a yɛta yɛnwu basabasayɛlɛ, nzisi nee atisesebɛyɛlɛ ɛ? Amaneɛbɔlɛ mɔɔ ɛnle kpalɛ fee la ɛbu zo. Awie bie wɔ ɛkɛ mɔɔ ɔlɛmaa menli ayɛ ɛtane ɔ?—Kenga 1 Dwɔn 5:19.

Asoo Nyamenle bɔle alesama kɛ bɛyɛ ɛtane ɔ? Kyɛkyɛ, Gyihova Nyamenle bɔle alesama kɛ ye ɛsaso, mɔɔ bɛkola bɛsukoa Nyamenle ɛlɔlɛ ne a. (Mɔlebɛbo 1:27; Dwobu 34:10) Noko, Nyamenle eza ɛli alesama eni mɔɔ bɛkola bɛsi bɛ ti anwo kpɔkɛ a. Mɔɔ yɛ awovolɛ mɔɔ limoa yɛle ɛtane la, bɛkpole Nyamenle neazo ne na bɛnyianle sinlidɔlɛ. Yɛnyianle subane mɔɔ maa yɛyɛ ɛtane la yɛvile bɛ ɛkɛ.—Kenga Mɛla ne 32:4, 5.

Asoo yɛbayɛ ɛtane dahuu?

Nyamenle kulo kɛ yɛkpo ɛtaneyɛlɛ. (Mrɛlɛbulɛ 27:11) Yemɔti ɔkilehile yɛ kɛzi yɛbahoati ɛtaneyɛlɛ nee kɛzi yɛbanyia anyelielɛ kpalɛ la. Noko, kɛkala yɛnrɛhola yɛnrɛzukoa Nyamenle ɛlɔlɛ ne pɛpɛɛpɛ.—Kenga Edwɛndolɛ 32:8.

Ɛnɛ ɛtane ɛbu zo ɛdeɛ, noko Nyamenle ɛlɛmaa nwolɛ adenle amaa mekɛ ekyi bie agua nu amaa awie biala anwu alɔbɔlɛ edwɛkɛ mɔɔ ɛvi nu ɛra la. (2 Pita 3:7-9) Noko akee, ɔnrɛhyɛ menli mɔɔ bɛ nye die na bɛtie Nyamenle la badɛnla azɛlɛ ne azo.—Kenga Edwɛndolɛ 37:9-11.

Saa ɛkpondɛ nwolɛ edwɛkɛ dɔɔnwo a, nea buluku ɛhye, Duzu A Baebolo ne Kilehile Amgba A? mɔɔ Gyihova Alasevolɛ ɛyɛ la tile 3

Bie noko wɔ www.jw.org/nzi