Asoo Ɔle Kpalɛ Kɛ Kilisienema Yɛ Nyile Mɔɔ Si Ɛnrenzɛlɛ Adenle?

Baebolo ne bua kɛ

Gyisɛse anga kɛ ye ɛdoavolɛma ɛwo anzɛɛ bɛmmawo. Yɛɛ Gyisɛse ɛdoavolɛma ne anu biala anva adehilelɛ zɛhae ammaa. Baebolo ne ɛndendɛ ɛntia awolɛ mɔɔ bɛsi ye adenle la. Ngyinlazo mɔɔ wɔ Wulomuma 14:12 la fale edwɛkɛ ɛhye anwo: “Yɛ nuhua ko biala babu ye mgbonda ahile Nyamenle.”

Yemɔti agyalɛma lɛ adenle si kpɔkɛ kɛ bɛbawo anzɛɛ bɛnrɛwo. Eza bɛlɛ adenle bɛsi ngakula dodo mɔɔ bɛbawo nee mekɛ mɔɔ bɛkulo kɛ bɛwo bɛ la anwo kpɔkɛ. Saa kunli nee yelɛ kulo kɛ bɛfa ayile mɔɔ ɛnye ɛkolɛ la bɛsi ɛnrenzɛlɛ adenle a, ɔle bɛdabɛ mumua ne bɛ kpɔkɛzilɛ nee ɛzonlelilɛ. Ɔnle kɛ awie biala bua bɛ ndɛne.—Wulomuma 14:4, 10-13.