Baebolo Ɛzukoalɛ Nwo Ngyehyɛleɛ Boni A Gyihova Alasevolɛ Yɛ A?
Gyihova Alasevolɛ dua adenle mɔɔ yɛ anyelielɛ la azo boa wɔ maa ɛsukoa Baebolo ne. Baebolo ɛzukoalɛ nwo ngyehyɛleɛ mɔɔ yɛlɛ la baboa wɔ yeamaa:
Wɔanyia asetɛnla mɔɔ yɛ anyelielɛ
Wɔayɛ Nyamenle agɔnwo
Wɔazukoa kenle bie nwo ɛwɔkɛ mɔɔ Baebolo ne ka la anwo debie
Wɔ foa ɛhye anu
Saa memaa bɛ adenle kɛ bɛ nee me ɛzukoa a, bɛbatinlitinli me nwo zo kɛ menyɛ Gyihova Dasevolɛ ɔ?
Mebahola meavɛlɛ awie mɔ meamaa bɛaboka debiezukoalɛ ne anwo ɔ?
Na saa me nee Gyihova Alasevolɛ ɛzukoa debie ɛlɛ ɛ? Mebahola meazukoa bieko ɔ?
Bɛbahola bɛahile me kɛzi mebazukoa Baebolo ne mɔɔ ɔngyia kɛ menyia kilehilevolɛ ɔ?
Kɛzi bɛyɛ Baebolo debiezukoalɛ ɛ?
Awie baboa wɔ yeamaa wɔade Baebolo ne abo ngyikyi ngyikyi. Nyia Anyelielɛ Dahuu! buluku ne baboa wɔ yeamaa wɔanwu mɔɔ Baebolo ne kilehile nee kɛzi ɔbaboa wɔ la. Amaa wɔanwu dɔɔnwo la, nea vidio ɛhye.
Ɔwɔ kɛ metua nwolɛ ezukoa ɔ?
Kyɛkyɛ. Gyihova Alasevolɛ di adehilelɛ mɔɔ Gyisɛse vale maanle ye ɛdoavolɛ ne mɔ la azo: “Bɛnyianle ye mgbane, bɛva bɛmaa mgbane.” (Mateyu 10:8) Eza bɛndɔne debiezukoalɛ ne anwo ninyɛne le kɛ Baebolo yɛɛ Nyia Anyelielɛ Dahuu! buluku ne.
Mekɛ dodo nyɛ a bɛfa bɛyɛ debiezukoalɛ ne a?
Buluku ne amuala le ɛzukoalɛdeɛ 60. Dodo mɔɔ ɛbazukoa la gyi ɛ nwo zo, noko sukoavoma bie mɔ sukoa ɛzukoalɛdeɛ ko anzɛɛ nwiɔ dapɛne biala.
Kɛzi membɔ ɔ bo ɛ?
1. Hyehyɛ nwolɛ ademizalɛ kɛlata ne mɔɔ wɔ yintanɛte ne azo la. Yɛbalua ɛ nwo edwɛkɛ mɔɔ wɔ ɛkɛ ne la azo yɛamaa Gyihova Alasevolɛ ne mɔ ko arakpɔla wɔ anzɛɛ avɛlɛ wɔ.
2. Baebolo kilehilevolɛ barakpɔla wɔ. Kilehilevolɛ ne bahile wɔ kɛzi bɛyɛ Baebolo debiezukoalɛ ne mɔ na yeabua kpuya biala mɔɔ ɛlɛ la.
3. Ɛ nee wɔ kilehilevolɛ ne bayɛ debiezukoalɛ ne anwo ngyehyɛleɛ. Bɛbahola bɛayɛ debiezukoalɛ ne wɔ wɔ sua nu, fonu zo anzɛɛ bɛbalua vidio call, mail anzɛɛ email zo bayɛ. Dɔnehwele ko a bɛfa bɛyɛ debiezukoalɛ ne a, noko saa ɛkulo a ɛbade zo anzɛɛ ɛbava mekɛ ne bie wɔaboka nwo.
Mebahola meazɔ debiezukoalɛ ne ko meanlea ɔ?
Ɛhɛe. Saa ɛkulo kɛ ɛyɛ zɔ a, hyehyɛ nwolɛ ademizalɛ kɛlata. Saa kilehilevolɛ ne ba wɔ ɛkɛ a, maa ɔnwu ye kɛ ɛkulo kɛ ɛsɔ ɛnea ɛnwu kɛ ɛ nye balie nwo a. Ɔ nee wɔ bazukoa Nyia Anyelielɛ Dahuu! brohyua ne mɔɔ lɛ ɛzukoalɛdeɛ nsa la. Ɔbaboa wɔ yeamaa ɛ nye alie debiezukoalɛ ne anwo.
Saa memaa bɛ adenle kɛ bɛ nee me ɛzukoa a, bɛbatinlitinli me nwo zo kɛ menyɛ Gyihova Dasevolɛ ɔ?
Kyɛkyɛ. Gyihova Alasevolɛ anye die kɛ bɛbahilehile menli Baebolo ne, noko bɛntinlitinli bɛ nwo kɛ bɛraboka bɛ nwo. Emomu yɛfi ɛbulɛ nu yɛka mɔɔ Baebolo ne kilehile la yɛkile bɛ na yɛagyakyi kpɔkɛzilɛ ne yɛamaa bɛ.—1 Pita 3:15.
Mebahola meava medame mumua ne me Baebolo meali gyima ɔ?
Ɛhɛe, ɛbahola wɔava Baebolo ngilebɛbo biala mɔɔ ɛkulo la wɔali gyima. Yɛ nye die kɛ yɛbava Ngɛlɛlera Nwuanzanwuanza—Ewiade Fofolɛ Ngilebɛbo ne yɛali gyima ɔluakɛ ɔle pɛpɛɛpɛ yɛɛ nuhua la ɛkɛ, noko yɛze kɛ menli bie mɔ anye die kɛ bɛbava ngilebɛbo gyɛne mɔɔ bɛlɛ bɛali gyima.
Mebahola meavɛlɛ awie mɔ meamaa bɛaboka debiezukoalɛ ne anwo ɔ?
Ɛhɛe. Ɛbahola wɔado ɛsalɛ wɔavɛlɛ wɔ abusua ne amuala nee ɛ gɔnwo mɔ noko.
Na saa me nee Gyihova Alasevolɛ ɛzukoa debie ɛlɛ ɛ? Mebahola meazukoa bieko ɔ?
Ɛhɛe. Nɔhalɛ nu, ɛ nye balie adenle mɔɔ yɛdua zo yɛ nee awie mɔ sukoa Baebolo ne kɛkala la anwo kpalɛ adɛla dɛba ne ɛdeɛ ne ɔluakɛ bɛyɛ ye mɔɔ ɔdi menli ngyianlɛ nwo gyima. Vidio ngɛlɛma dɔɔnwo wɔ nu yɛɛ ɛbanyia adenle wɔahile wɔ adwenle dɔɔnwo.
Bɛbahola bɛahile me kɛzi mebazukoa Baebolo ne mɔɔ ɔngyia kɛ menyia kilehilevolɛ ɔ?
Ɛhɛe. Ɔwɔ nu kɛ sukoavoma dɔɔnwo nyia kilehilevolɛ a, ɔboa bɛ, noko bie mɔ anye die nwo kɛ bɛ ngome bɛbazukoa wɔ mɔlebɛbo ne. Saa ɛkɔ Baebolo Ɛzukoalɛ Ninyɛne foa ne a, ɛbanyia ninyɛne mɔɔ baboa wɔ wɔ wɔ Baebolo ɛzukoalɛ ne anu la. Ninyɛne ɛhye mɔ bie mɔ ɛne:
Baebolo Nwo Video. Vidio nzinranzinra ɛhye mɔ kilehile Baebolo nu nɔhalɛ mɔɔ anwo hyia la anu.
Baebolo Kpuya Mɔɔ Bɛbua. Ɛbanwu Baebolo kpuya dɔɔnwo anwo mualɛ wɔ foa ɛhye anu.
Baebolo Ngyehyɛnu Ngilenu. Sukoa mɔɔ Baebolo ngyɛnu yɛɛ nuhua edwɛkɛ mɔɔ ɛze bɛ kpalɛ abo kile la.