SUKOA GYISƐSE
Nyia Mekɛ Maa Nyamenle
Ɛnyia mekɛ ɛmaa Nyamenle a wɔ ɛbɛlabɔlɛ bayɛ kpalɛ. Saa ɛyɛ zɔ a, ɛnee ɛlɛdi wɔ sunsum nu ngyianlɛ nwo gyima. Nea mɔɔ Gyisɛse hanle ye wɔ edwɛkɛ ɛhye anwo la.
Mɔɔ Gyisɛse hanle la
“Anyelielɛ a le bɛdabɛ mɔɔ bɛze bɛ sunsum nu ngyianlɛ la.”—Mateyu 5:3.
Yɛ muala yɛkulo kɛ yɛnyia kpuya le kɛ ɛhye mɔ anwo mualɛ: Ɛbɛlabɔlɛ bodane a le boni? Duzu ati a amaneɛnwunlɛ ɛbu zo a? Tɛnlabelɛ boni a mowuamra wɔ nu a? Saa yɛnyia kpuya ɛhye mɔ anwo mualɛ a ɔbamaa yɛ nye alie.
“Tɛ paano angome a maa sonla tɛnla ngoane nu a, emomu edwɛkɛ biala mɔɔ vi Gyihovaa anloa anu la noko.”—Mateyu 4:4.
Kɛ mɔɔ ɔhyia kɛ yɛdi aleɛ la, zɔhane ala a yɛhyia sunsum nu aleɛ a. Gyisɛse maanle ɔlale ali wienyi kɛ ɔwɔ kɛ yɛmaa Nyamenle boa yɛ na yɛdi yɛ sunsum nu ngyianlɛ nwo gyima.
“Wɔ edwɛkɛ le nɔhalɛ.”—Dwɔn 17:17.
Gyisɛse hanle kɛ Nyamenle Edwɛkɛ Baebolo ne a le adenle titili mɔɔ Nyamenle dua zo di yɛ sunsum nu ngyianlɛ nwo gyima a.
Yɛmaa wɔ anwosesebɛ kɛ nyia mekɛ maa Nyamenle na di wɔ sunsum nu ngyianlɛ nwo gyima amaa ɛ nye alie dahuu. Ninyɛne mɔɔ bahola aboa wɔ la bie mɔ ɛne:
Kenga Baebolo ne mɔɔ ɛndua ɛhwee a.
Maa awie nee wɔ ɛzukoa Baebolo ne mɔɔ ɛndua ɛhwee a.
a Nyamenle duma a le Gyihova. (Edwɛne 83:18) Nea edwɛkɛ “Gyihova A Le Nwane?”