Gyisɛse Baye Ehyia Avi Ɛkɛ

Mɔɔ Gyisɛse wɔ azɛlɛ ye azo la ɔhulole menli kpole kpalɛ, titili bɛdabɛ mɔɔ ɛnee bɛle ehyiavolɛma na bɛlɛnwu amaneɛ la. (Mateyu 9:36) Ɔvale ye ngoane bɔbɔ ɔbɔle ɔfɔle amaa yeaboa awie mɔ. (Mateyu 20:28; Dwɔn 15:13) Ɔnrɛhyɛ, ɔbamaa menli anwu ɛlɔlɛ mɔɔ ɔlɛ ɔmaa bɛ la bieko ɔluakɛ ɔbava tumi mɔɔ ɔlɛ kɛ Nyamenle Belemgbunlililɛ ne azo Belemgbunli la yeaye ehyia yeavi azɛlɛ ye kɔsɔɔti azo.

Baebolo ne ka mɔɔ Gyisɛse bayɛ la anwo edwɛkɛ kɛnlɛma kɛ:

• “Maa ɔli koahweabanema mɔɔ wɔ menli ne anu la edwɛkɛ ɔmaa bɛ, maa ɔlie ehyianli amra.”​—Edwɛne 72:4.

Kɛ ɔkɛyɛ na yɛahile mɔɔ Gyisɛse ɛyɛ ɛmaa yɛ nee mɔɔ ɔnrɛhyɛ ɔbayɛ yeamaa yɛ la anwo anyezɔlɛ ɛ? Adenle ko mɔɔ ɛbahola wɔalua zo wɔayɛ zɔ la a le kɛ ɛbazukoa “Nyamenle Belemgbunlililɛ ne anwo edwɛkpa ne” mɔɔ Gyisɛse bɔle ye nolo la anwo ninyɛne dɔɔnwo. (Luku 4:43) Kenga edwɛkɛ, “Nyamenle Belemgbunlililɛ Ne A Le Duzu?”