Gyisɛse Baye Konle Avi Ɛkɛ

Mɔɔ Gyisɛse wɔ azɛlɛ ye azo la ɔhulole menli kpole na ɔvale ye ngoane bɔbɔ ɔbɔle afɔle ɔmaanle bɛ. (Mateyu 20:28; Dwɔn 15:13) Ɔnrɛhyɛ, ɔbamaa menli anwu ɛlɔlɛ mɔɔ ɔlɛ ɔmaa bɛ la bieko ɔluakɛ ɔbava tumi mɔɔ ɔlɛ kɛ Nyamenle Belemgbunlililɛ ne azo Belemgbunli la yeali gyima ‘yeamaa bɛagyakyi konle wɔ azɛlɛ ye kɔsɔɔti azo.’​—Edwɛne 46:9.

Nea kɛzi Baebolo ne ka mɔɔ Gyisɛse bayɛ la anwo edwɛkɛ la:

• “Ɔbalie ehyianli mɔɔ su kpondɛ moalɛ, koahweabane nee mɔɔ ɛnlɛ boavolɛ la noko. Ɔbaze koahweabane nee ehyianli anwunvɔne, na yealie ehyianli ngoane. Ɔbalie bɛ yeavi nzisi nee basabasayɛlɛ nu.”​—Edwɛne 72:12-14.

Kɛ ɔkɛyɛ na yɛahile mɔɔ Gyisɛse ɛyɛ ɛmaa yɛ nee mɔɔ ɔnrɛhyɛ ɔbayɛ yeamaa yɛ la anwo anyezɔlɛ ɛ? Adenle ko mɔɔ ɛbahola wɔalua zo wɔayɛ zɔ la a le kɛ ɛbazukoa “Nyamenle Belemgbunlililɛ ne anwo edwɛkpa ne” mɔɔ Gyisɛse bɔle ye nolo la anwo ninyɛne dɔɔnwo. (Luku 4:43) Kenga edwɛkɛ, “Nyamenle Belemgbunlililɛ Ne A Le Duzu?”