Kɛlata Ɛhɛlɛlɛ Nwo Neazo

• Kɛlɛ ɛdawɔ mumua ne wɔ adelɛse ne. Saa wɔ adwenle nu yɛ wɔ kesee kɛ ɛbava wɔ adelɛse wɔali gyima a, ɛbahola wɔava bɛ asafo ɛdeɛ ne saa mgbanyima ne mɔ maa wɔ adenle a. Noko akee, MMAFA Bɛtɛle adelɛse ne ɛdi gyima.

• Saa ɛze ahenle ne duma a, fa di gyima. Ɛhye ɛnrɛmaa ɔnrɛnyia adwenle kɛ ɛtɔne debie.

• Fa wɔ adwenle sie edwɛkɛ agbɔkɛ kpalɛ ɛhɛlɛlɛ, aneɛmɛla, yɛɛ ɛhɛlɛlɛ sɛkɛlɛneɛ ne mɔ azo kpalɛ. Maa kɛlata ne ɛyɛ bɔkɔbɔkɔ. Saa ɛbava ɛ sa wɔahɛlɛ a, maa ɔyɛ mɔɔ bɛkenga a ɔyɛ boɛ a. Mmamaa kɛlata ne anu edwɛkɛ ne ba aze somaa anzɛɛ ɔyɛ se somaa.

Kɛlata ɛhɛlɛlɛ nwo neazo mɔɔ boka nwo la bahilehile mɔɔ yɛha la anu. Saa ɛkulo kɛ ɛkɛlɛ awie mɔɔ wɔ wɔ azɛlɛsinli nu la kɛlata a, ɔngyia kɛ ɛtu ye kope anzɛɛ ɛkɛlɛ ye pɛpɛɛpɛ. Yɛ nzenzaleɛ wɔ nu amaa ɔ nee bodane mɔɔ ɔti ɛlɛkɛlɛ kɛlata ne la yɛɛ bɛ ɛkɛ ne amaamuo ayia.