“Akee Mengɔndo Ye Wɔ Sua Nu!”

Wɔha edwɛkɛ ɛhye bie wɔvane awie mɔɔ hilele edwɛkɛ ne anwo anyelielɛ la anwo ɛlɛ ɔ? Ɛbɔle mɔdenle kɛ ɛsia wɔahɔkpɔla ahenle ne, noko wɔangola wɔangugua nɔhalɛ ma ne mɔɔ ɛluale la azo nzule. (1 Kɔl. 3:6) Ɔyɛ a, nolobɔlɛma mɔɔ bɔ mɔdenle la kɛlɛ awie mɔɔ bɛando ye wɔ sua nu la kɛlata anzɛɛ bɛfa kɛlata bie bɛsia ahenle anlenkɛ ne anloa. Nolobɔlɛma bie mɔ bɔ mɔdenle kɛ bɛbahɔdo ahenle wɔ sua nu bieko yemɔti bɛdie ye fonu nɔma. Saa ɛkɔ ahenle ɛkɛ, ɛkɛlɛ ye kɛlata, ɛdua Intanɛte anzɛɛ fonu zo ɛto ye nrɛlaleɛ, ɛfa kɛlata bie ɛsia ye anlenkɛ ne anloa anzɛɛ ɛfɛlɛ ye a, ɛbahola wɔahɛlɛ kɛ wɔyɛ sia kɔkpɔla. Saa ɔnda ɔndɛnla sua nu bɔbɔ a, ɛbahola wɔamaa ɔ nye alie edwɛkɛ ne anwo.