“Mekɛ Nyɛ A Ɔwɔ Kɛ Mefa A?”

Wɔbiza zɔhane kpuyia ne ɛlɛ ɔ? Nwolɛ adehilelɛ dɔɔnwo wɔ Organized buluku ne mukelɛ 86-87. Ɔyɛ a eza bɛfa nwolɛ adehilelɛ bɛmaa, kɛmɔ bɛhile ye wɔ Kpuyia Ɛleka ne mɔɔ wɔ September 2008 Yɛ Belemgbunlililɛ Gyima ne anu la. Kɛmɔ asolo nwolɛ edwɛkɛ ko biala la ati, yɛtɛyɛle nwolɛ mɛla tendenle biala. Ɛhye ati, ɔnfɛta kɛ asafo nu mgbanyima anzɛɛ awie mɔ fa adehilelɛ gyɛne boka ɛhye anwo.

Saa bɛnyia ɛhye anwo edwɛkɛ bie na nwolɛ adehilelɛ bie ɛnle ɛkɛ a, nolobɔlɛnli ko biala bahola azuzu nwolɛ kɛ: Asoo menvale mekɛ ne menyɛle daselɛlilɛ gyima? Anzɛɛ menvale menyɛle debie fofolɛ mɔɔ ɔmboka gyima ne anwo fee la ɔ? Ɔwɔ kɛ mɔɔ yɛkɛlɛ wɔ yɛ mgbondabulɛ kɛlata ne azo siane biala la maa yɛ nye die na ɔnle kɛ ɔmaa yɛ adwenle bua yɛ fɔlɛ. (Gyi. 23:1) Nɔhalɛ nu, tɛ mɔɔ hyia yɛ kpalɛ la a le mekɛ mɔɔ yɛbanyia la, emomu, mɔɔ hyia yɛ kpalɛ la a le kɛzi yɛbabɔ mɔdenle yɛava yɛ mekɛ yɛali gyima kpalɛ wɔ daselɛlilɛ nu la.​—Hib. 6:11.