Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo June 27, 2011 la anu. Sukulu zo neavolɛ ne bava mitini 20 ayɛ ndinu mɔɔ gyi May 2 kɔdwu June 27, 2011 dapɛne ne mɔ anu gyimalilɛ ne azo la.

1. Duzu a yɛkola yɛsukoa yɛfi asɔne mɔɔ Gyihova manle Dwobu yɛle manle menli mɔɔ yɛle ɛtane tiale ye la anu a? (Dwo. 42:8) [w98-E 8/15 m. 30 ɛden. 5]

2. “[Afɔle] mɔɔ anwo te” mɔɔ Keleseɛnema bɔ ye ɛnɛ la a le boni? (Edw. 4:5) [w06-E 5/15 m. 18 ɛden. 9]

3. Kɛzi Devidi adwenle hakyehakyele ye ɛ? (Edw. 16:7) [w04-E 12/1 m. 14 ɛden. 9]

4. Kɛzi “anwumaneamra ɛlɛkile Nyamenle anyunlunyia ne” ɛ? (Edw. 19:1) [w04-E 10/1 m. 10 ɛden. 8]

5. Koyɛlɛ mɔɔ la anyelazo nee akɛnrasesebɛ avinli la boni a bɛhile ye wɔ Edwɛndolɛ 27:14 a? [w06-E 10/1 m. 26-27 ɛden. 3, 6]

6. Adenle boni azo a Edwɛndolɛ 37:21 maa yɛnwu kɛzi ɔwɔ kɛ yɛyɛ yɛ mediema la ɛ? [w88-E 8/15 m. 17 ɛden. 8]

7. Anyezɔlɛ nwo debie boni a yɛsukoa yɛfi Livaenli bie mɔɔ bɛ nee ye hɔle nlɔnu la ɛkɛ a? (Edw. 42:1-3) [w06-E 6/1 m. 9 ɛden. 3]

8. Duzu a bahola aboa yɛ yeamaa yɛahulo pɛlepɛlelilɛ na yɛahyi ɛtaneyɛlɛ a? (Edw. 45:7) [cf m. 58-59 ɛden. 8-10]

9. Nwane a Devidi hanle kɛ ɔbuke ye “munli nu” na ɔboa ye a? (Edw. 51:12) [w06-E 6/1 m. 9 ɛden. 10]

10. Kɛzi yɛbahola yɛayɛ kɛ ɔlivi baka amolɛ wɔ Nyamenle sua nu ɛ? (Edw. 52:8) [w00-E 5/15 m. 29 ɛden. 6]