Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ May

“Asoo wɔdwenle deɛmɔti Nyamenle maa ɛtaneyɛlɛ nee amaneɛnwunlɛ nwo adenle la anwo ɛlɛ? [Maa ɔbua.] Mekulo kɛ mefa debie mɔɔ yɛ anyelielɛ wɔ edwɛkɛ ɛhye anwo la mekile wɔ.” Bɛbɔ nu bɛgenga edwɛkɛ ne mɔɔ wɔ edwɛkɛtile ekyi ne mɔɔ lumua wɔ May 1 Ɛzinzalɛ Arane Nrelenza ɛdeɛ ne mukelɛ 16 abo la yɛɛ ngɛlɛlera mɔɔ wɔ nu la ko. Fa magazine ne maa ye na yɛ ngyehyɛleɛ sia kɔ ɛ nee ye ɛzuzu kpuyia mɔɔ doa zo la mualɛ ne anwo.

The Watchtower May 1

Kenga Edwɛndolɛ 37:10, 11. Akee ka kɛ: “Ɛsuzu kɛ ɛwɔkɛ ɛhye mɔ bara nu kenlensa ye ɔ? [Maa ɔbua.] Magazine ɛhye suzu Baebolo nu ngapezo nsia mɔɔ yɛnwu kɛ bɛra nu la anwo, ngapezo mɔɔ kile kɛ ɔnrɛhyɛ na ɛwɔkɛ ɛhye mɔ ara nu la.”

Awake! May

“Bie mɔ ka kɛ sonla vi nane nu. Kɛzi ɛdwenle nwo ɛ? [Maa ɔbua. Akee kenga Edwɛndolɛ 139:14.] Nɔhalɛ nu, ɛnee edwɛndovo ne ɛnze kɛzi sonlabaka ne yɛ nwanwane la anwo ninyɛne dɔɔnwo. Magazine ɛhye suzu ninyɛne mɔɔ yɛze ye kɛkala nee mɔɔ ɔmaa yɛyɛ ngakyile yɛfi nane nwo la anwo.”