Ɛzonlenlɛ Gyima Anyuhɔlɛ

Yɛ 2010 maangyeba nyianu ne mɔɔ ati se “Kɔ Zo Bikye Gyihova!” mɔɔ yɛyɛle ye ɛleka ngakyile la rale awieleɛ wɔ January 9, 2011. Menli dodo mɔɔ tɛla biala 248,156 a hɔle nyianu 61 mɔɔ bɛyɛle ye ɛleka ngakyile 22 ne la bie a. Menli mɔɔ bo 10,000 la rale ɛvolɛ ɛhye nyianu ne bie dɛlale mɔɔ yɛyɛle ye dɛba ne la kɔsɔɔti. Kpolerazulɛ biala ɛnle nwolɛ kɛ ngɛlata mɔɔ yɛvale yɛdole ɛsalɛ yɛvɛlɛle menli la a manle bɛrale dɔɔnwo zɔhane a.

Bɛzɔnenle menli dodo mɔɔ bɛle fofolɛ la 3,820 wɔ nyianu ɛhye mɔ abo. Ɔrɛla ye kɛ yɛbava mɔɔ yɛzukoale la yɛali gyima, titile nuhua ne mɔɔ fane daselɛlilɛ nwo la, amaa yɛahola yɛaboa menli dɔɔnwo mɔɔ lɛ ahonle kpalɛ la yɛamaa bɛayila bɛ ngoane zo bɛamaa Gyihova.—1 Tem. 2:4.