Nolobɔlɛ

◼ Buluku mɔɔ yɛbava yɛamaa wɔ April: Ɛzinzalɛ Arane nee Awake! magazine. Saa bɛlɛsia bɛahɔkpɔla anyelielɛma, mɔɔ menli mɔɔ rale Ngakyelɛlilɛ ne anzɛɛ teokelase gyimalilɛ bie abo noko bɛ nee asafo ne ɛmbɔ kpalɛ la boka nwo la a, bɛva bɛzie bɛ nye zo kɛ bɛbava Baebolo ne Kilehile buluku ne bɛabɔ Baebolo ɛzukoalɛ bo. May: Bɛva Ɛzinzalɛ Arane nee Awake! magazine bɛmaa. Bɛbɔ mɔdenle bɛbɔ Baebolo ɛzukoalɛ bo wɔ mekɛ mɔɔ lumua la anu. June: Duzu A Baebolo ne Kilehile Amgba A? July: Nolobɔlɛma bɛahola ava brohyua biala mɔɔ le mukelɛ 32 mɔɔ bɛlɛ la amaa.

◼ Ɔvi May mɔɔ kɔ la, ɔwɔ kɛ asafo kɔsɔɔti fa Folɛ mɔɔ lumua wɔ siane biala anu la sie bɛ nye zo kɛ bɛfa bɛabɔ Baebolo ɛzukoalɛ bo. Bɛyɛ edwɛkɛ mɔɔ bɛfa bɛba Ɛzinzalɛ Arane Nrelenza ɛdeɛ ne anu mɔɔ se “Learn From God’s Word” la kɛ bɛfa bɛaboa nolobɔlɛma bɛamaa bɛayɛ ɛhye. Bɛbahile edwɛkɛ mɔɔ yɛbaha wɔ siane bieko anu la wɔ Yɛ Belemgbunlililɛ Gyima ne biala mukelɛ mɔɔ li awieleɛ la anu, na bɛava nzuzulɛ mɔɔ yɛbava yɛabɔ Baebolo ɛzukoalɛ bo wɔ Folɛ mɔɔ lumua la anu la bɛaboka nwo.