Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ July

“Menli dɔɔnwo ka edwɛkɛ ɛhye mɔɔ wɔ Awulae Asɔneyɛlɛ ne anu mɔɔ se: ‘Wɔ belemgbunlililɛ ɛrɛla; bɛyɛ Wɔ ɛhulolɛdeɛ wɔ azɛlɛ ye azo, kɛmɔ bɛyɛ ye wɔ anwuma lɔ la’ fane dɔɔnwo. Ɛsuzu kɛ zɔhane Belemgbunlililɛ ne a le duzu? [Maa ɔbua.] Baebolo ngyɛnu ɛhye maa yɛnwu kɛzi ɔde la.” Kenga Daneɛle 2:44. Akee fa July 1 The Watchtower ne ko maa suamenle ne, bɛbɔ nu bɛgenga edwɛkɛ mɔɔ wɔ edwɛkɛtile ekyi ne mɔɔ lumua wɔ mukelɛ 16 abo la na bɛzuzu nwolɛ. Fa magazine ne maa ye na yɛ ngyehyɛleɛ sia kɔ ɛ nee ye ɛzuzu kpuyia mɔɔ doa zo la mualɛ ne anwo.

The Watchtower July 1

“Kɛmɔ yɛ ngoane mekɛ le ezinra na nuhua le ngyegyelɛ ngome la ati, menli dɔɔnwo ɛnde mɔɔ yɛyɛ ye ɛbɛlabɔlɛ nu la abo. Asoo wɔdwenle nwolɛ zɔhane ɛlɛ? [Maa ɔbua.] Baebolo ne bɔ ɛwɔkɛ kɛ ɛbɛlabɔlɛ ne ɛnrɛyɛ zɛhae dahuu. [Kenga Yekile 21:4.] Magazine ɛhye suzu bodane mɔɔ Nyamenle lɛ maa azɛlɛ ye la anwo na ɔkile ninyɛne bie mɔ mɔɔ yɛyɛ a ɔbamaa yɛanyia anyelielɛ wɔ ɛbɛlabɔlɛ nu kɛkala la.”

Awake! July

Ka esiane bie mɔɔ ɛzi la anwo edwɛkɛ. Akee ka kɛ: “Ɛsuzu kɛ duzu ati a Nyamenle maa ninyɛne ɛhye mɔ sisi a? [Maa ɔbua.] Kɛmɔ Baebolo ne kile la, Nyamenle akunlu yelɛyela ye maa menli mɔɔ ɛlɛnwu amaneɛ la. [Kenga Adendulɛ 3:7.] Baebolo ne eza ka deɛmɔti Nyamenle maa amaneɛnwunlɛ nwo adenle la na ɔmaa yɛnwu kɛ ɔnrɛhyɛ ɔbara awieleɛ bɔkɔɔ. Magazine ɛhye kilehile nuhua.”