Mɔɔ Yɛbaha Ye Magazine Ne Anwo

The Watchtower June 1

“Menli dɔɔnwo ɛndwenle nwo kɛ bɛkɛbɔ adalɛ yɛɛ bɛkɛyɛ awule ndɛbandɛba. Kɛzi ɛdwenle kɛ Nyamenle bu nyɛleɛ ɛhye mɔ ɛ? [Maa ɔbua. Akee kenga Hibuluma 4:13.] Edwɛkɛ ɛhye suzu ɛleka bie mɔ mɔɔ menli ɛnli nɔhalɛ ɛnɛ, noko bɛdwenle kɛ ɔnyɛ ɛzulolɛ la anwo.” Fa edwɛkɛ ne mɔɔ wɔ mukelɛ 11 la kile ye.

Awake! June

“Asɔne ne mɔ ta pɛ bolɛ wɔ ɛzɔnenlɛ, agyalɛ nee ɛzɛne mɔɔ bɛyɛ bɛmaa menli la anwo. Ɛsuzu kɛ ɛhye le kpalɛ ɔ? [Maa ɔbua.] Tie adehilelɛ ɛhye mɔɔ Gyisɛse vale manle ye ɛdoavolɛ ne mɔ la. [Kenga Mateyu 10:7, 8b.] Edwɛkɛ ɛhye kile mɔɔ Baebolo ne ka fane ɛzonlenlɛ nu gyimayɛlɛ mɔɔ bɛdie nwolɛ ezukoa la anwo.” Fa edwɛkɛ ne mɔɔ wɔ mukelɛ 22 la kile ye.

The Watchtower July 1

“Menli dɔɔnwo fɛlɛ Tumivolɛ Bedevinli ne kɛ Nyamenle ala. Noko, ɛze kɛ Baebolo ne maa yɛnwu Nyamenle duma ɔ? [Maa ɔbua. Akee kenga Ayezaya 42:8a, NW] Magazine ɛhye kilehile deɛmɔti Baebolo bie mɔ ɛye Nyamenle duma ɛvi nuhua nee mɔɔ yɛnwu Nyamenle duma a ɔkile ɔmaa yɛ la anu.”

Awake! July

“Mɔɔ ɛlɛkɔ zo wɔ ewiade ye anu la ɛva adwenledwenle dɔɔnwo ɛra. Menli mɔɔ ɛnyɛ gyima la ɛlɛdwenle, yɛɛ menli mɔɔ ɛlɛyɛ gyima la dwenle bɛ gyima mɔɔ kɛvi bɛ sa la anwo. Ɛdwenle kɛ ɛhye le folɛdulɛ kpalɛ mɔɔ baboa yɛ yeamaa yɛagyinla ɔ nloa ɔ? [Kenga Mateyu 6:34. Akee maa ɔbua.] Magazine ɛhye maa yɛnwu kɛzi yɛbahola yɛanlea yɛ ezukoa nee yɛ nganeɛdelɛ zo wɔ adenle mɔɔ fɛta la azo.”