Dapɛne Ngyehyɛleɛ Maa June 28

DAPƐNE MƆƆ BƆ Ɔ BO JUNE 28

Edwɛne 62

□ Asafo Baebolo Ɛzukoalɛ:

cf tile 6 ¶19-25, ɛlɛka mɔɔ wɔ m. 65

□ Teokelase Ɛzonlenlɛ Sukulu:

Baebolo ɛgengalɛ: 1 Arelemgbunli 3-6

Teokelase Ɛzonlenlɛ Sukulu Ndinu

□ Ɛzonlenlɛ Nyianu:

Edwɛne 90

5 min: Nolobɔlɛ.

15 min: Siezie Ɛ Nwo Fa Magazine Ne Maa Wɔ July. Tievolɛma adawubɔlɛ. Fa mitini ko mɔɔ kɔ nwiɔ la ka magazine ne mɔ nuninyɛne ne mɔ anwo edwɛkɛ. Akee kpa nuhua edwɛkɛ nwiɔ anzɛɛ nsa na to ɛsalɛ fɛlɛ tievolɛma maa bɛhile kpuyia nee ngɛlɛlera ngakyile mɔɔ bɛbahola bɛava bɛali gyima na bɛava bɛamaa la. Maa bɛyɛ kɛzi bɛbahola bɛava ko biala bɛamaa la anwo yɛkile. Maa bɛyɛ yɛkile bieko mɔɔ kile kɛzi bɛbahola bɛabɔ Baebolo ɛzukoalɛ bo wɔ mekɛ mɔɔ bɛlɛyɛ sia kɔkpɔla la.—Nea km 8/07 m. 3.

15 min: Bɛtetele Ye Wɔ Ye Ngakula Nu. Tievolɛma adawubɔlɛ. Ɛnee bɛze Temɔte kɛ edwɛkpakavolɛ mɔɔ ze debie na ɔbɔ mɔdenle la. (Fel. 2:20-22) Ɛhye dɔɔnwo ne ala vi sunsum nu ndetelɛ mɔɔ ɔnyianle ɔvile ɔ nli nee ɔ nla ɛkɛ sumunli ye ngakula nu la. (2 Tem. 1:5; 3:15) Ngɛlɛlera ne anu nzuzulɛ mɔɔ doa zo la baboa awovolɛ yeamaa bɛatete bɛ mra bɛamaa bɛayɛ edwɛkpakavolɛma kpalɛ. (1) Saa ɔkɛyɛ boɛ a fa ɛ ra kɔ daselɛlilɛ ndɛndɛ; tete ye maa ɔli daselɛ kɛmɔ ye ɛvolɛ nee ye mɔdenlebɔlɛ kɛmaa nwolɛ adenle la. (Mrɛ. 22:6) (2) Fa ɛzonlenlɛ gyima ne dumua maa ɔyɛ neazo kpalɛ. (Fel. 1:9, 10) (3) Fa daselɛlilɛ gyima ne anwo ɛlɔlɛ nee anyezɔlɛ wula ye nu wɔ Abusua Ɛzonlenlɛ mekɛ nee mekɛ gyɛne nu. (Mɛla 6:6, 7) (4) Maa wɔ subane nee wɔ ɛdendɛlɛ ɛhile kɛ ɛlɛ ɛzonlenlɛ gyima ne anwo adwenle kpalɛ. (Fel. 3:8; 4:8; 1 Tem. 1:12) (5) Bɛbɔ nu bɛyɛ ye kɛ abusua la bɛmaa ɛzonlenlɛ gyima ne ɛyɛ bɛ subane. (Gyi. 5:41, 42) (6) Bɛva nolobɔlɛma mɔɔ bɔ mɔdenle la agɔnwolɛ. (Mrɛ. 13:20) Maa tievolɛma ɛha ninyɛne bie mɔ mɔɔ bɛ awovolɛ yɛle vale boale bɛ manle bɛbɔle ɛzonlenlɛ gyima ne anwo mɔdenle na bɛ nye liele nwolɛ la anwo edwɛkɛ.

Edwɛne 88