Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo June 28, 2010 la anu. Sukulu zo neavolɛ ne bava mitini 20 ayɛ ndinu mɔɔ gyi May 3 kɔdwu June 28 2010 dapɛne ne mɔ anu gyimalilɛ ne azo la.

1. Duzu a yɛsukoa yɛfi kɛzi Devidi zunle Abenɛɛ la anu a? (2 Sam. 3:31-34) [w05-E 5/15 m. 17 ɛden. 6; w06-E 7/15 m. 21 ɛden. 9-10]

2. Nvonleɛ boni a Neetan yɛle a, na kɛmɔti a bɛamkpo ye kɛ Gyihova ngapezonli ɛ? (2 Sam. 7:3) [rs-E m. 134 ɛden. 8]

3. Kɛzi 2 Samoɛle 7:14 rale nu ɛ? [it-1-E m. 273 ɛden. 3; it-2-E m. 818 ɛden. 2]

4. Kɛzi nyɛleɛ mɔɔ Devidi lale ye ali hilele Mɛfebɔhyɛte la ɛnee le ahunlunyele ɛ, na kɛzi ɔwɔ kɛ ɛhye ka yɛ ɛ? (2 Sam. 9:7) [w02-E 5/15 m. 19 ɛden. 5]

5. Duzu a yɛsukoa yɛfi agɔnwolɛvalɛ mɔɔ ɛnee la Gatenli Yeteeyae nee Belemgbunli Devidi avinli la anu a? (2 Sam. 15:19-22) [w09-E 5/15 m. 27-28]

6. Kɛzi yɛkola yɛnwu ye wɔ Ngɛlɛlera ne anu kɛ edwɛkɛ mɔɔ Zaeba hanle dole Mɛfebɔhyɛte anwo zo la le adalɛ ɛ? (2 Sam. 16:1-4) [w02-E 2/15 m. 14-15 ɛden. 11]

7. Mekɛ mɔɔ Devidi hanle hilele Bazeleeyae mɔɔ ɛli ɛvolɛ 80 kɛ ɔboka ɔ nwo la, kɛmɔti a Bazeleeyae hanvole kɛ ɔva Kyemeham ɛ? (2 Sam. 19:33-37) [w07-E 6/1 m. 24 ɛden. 13]

8. Kɛzi Gyihova mɛlɛbɛnwoaze manle Devidi yɛle sonlakpole ɛ? (2 Sam. 22:36) [w07-E 11/1 m. 5 ɛden. 2; w04-E 11/1 m. 29]

9. Kɛmɔti a Adonaegya bɔle mɔdenle kɛ ɔdie ebia ne yeali wɔ mekɛ mɔɔ Devidi tɛte aze la ɛ? (1 Arl. 1:5) [w05-E 7/1 m. 28 ɛden. 5]

10. Kɛmɔti a Gyihova buale asɔne mɔɔ Sɔlɔmɔn yɛle zɛlɛle nrɛlɛbɛ nee adwenle kpalɛ la ɛ? (1 Arl. 3:9) [w05-E 7/1 m. 30 ɛden. 2]