Mɔɔ Yɛbaha ye Magazine ne Anwo

The Watchtower Oct. 1

“Menli mɔɔ ɛbe la ze kɛ selɛ gyima wɔ abusua ne anu hyia. Duzu a ɛdwenle kɛ ɔmaa awie yɛ selɛ kpalɛ a? [Maa ɔbua.] Gyisɛse hwenle adwenle hɔle kɛzi ɔ Ze neazo ne boale ye la azo. [Kenga Dwɔn 5:19] Edwɛkɛ ɛhye kile selɛ gyima nsia mɔɔ anwo hyia la.” Fa edwɛkɛ ne mɔɔ wɔ mukelɛ 18 la kile ye.

Awake! Oct.

“Menli mɔɔ wɔ Ɛzonlenlɛ ngakyile nu la ɛngola ɛnnwu kɛzi Nyamenle de amgba la. Noko kɛzi Nyamenle Ra ne hanle ɔ nwo edwɛkɛ ɛ? Tie edwɛkɛ mɔɔ Gyisɛse hanle ye wɔ Dwɔn 4:24 la. [Kenga.] Edwɛkɛ ɛhye mɔɔ le mukelɛ nwiɔ pɛ la, maa yɛnwu mɔɔ Baebolo ne ka ye wɔ kpuyia ne mɔɔ se, “Kɛzi Nyamenle de ɛ?” la anwo. Fa edwɛkɛ ne mɔɔ wɔ mukelɛ 24 nee 25 la kile ye.

The Watchtower Nov. 1

“Menli dɔɔnwo mɔɔ die di kɛ Nyamenle lɛ ɛlɔlɛ la ɛnde ɔ bo kɛ ɔbayela menli wɔ senle nu dahuu. Kɛzi ɛdwenle nwolɛ ɛ? [Maa ɔbua.] Baebolo ne kilehile nu wienyi kɛ Nyamenle ɛnle amumuyɛ anzɛɛ ɔnli nzenralɛ. [Kenga Yizikeɛle 18:23.] Ɛ nye balie Ngɛlɛlera ne anu edwɛkɛ mɔɔ bɛzuzu nwo wɔ magazine ɛhye anu la anwo.”

Awake! Nov.

“Menli dɔɔnwo ta bu dumalielɛ, boɛyɛlɛ anzɛɛ tumi kɛ ɔkile kɛ awie ɛkpazi. Kɛzi ɛbahile ɛkpazilɛ abo ɛ? [Maa ɔbua.] Tie mɔɔ Baebolo ne kile kɛ ɔmaa awie kpazi la. [Kenga Edwɛndolɛ 1:1-3.] Edwɛkɛ ɛhye kile ninyɛne nsia mɔɔ maa awie kpazi la.” Twe ye adwenle kɔ edwɛkɛ ne mɔɔ wɔ mukelɛ 6 la azo.