Mɔɔ Yɛbaha ye Magazine ne Anwo

The Watchtower Nov. 1

“Ɛdwenle kɛ saa kunlima nee yelɛma fa Baebolo folɛdulɛ ɛhye di gyima a, bɛ agyalɛ ne anu bamia ɔ? [Kenga Dwobu 31:1. Akee maa ɔbua.] Edwɛkɛ ɛhye suzu Baebolo nu ngyinlazo mɔɔ bahola aboa agyalɛma yeamaa bahɔ zo bɛali nɔhalɛ wɔ bɛ agyalɛ nu la anwo.” Fa edwɛkɛ ne mɔɔ wɔ mukelɛ 18 la kile ye.

Awake! Nov.

“Menli dɔɔnwo die to nu kɛ nyevile nu ninyɛne ɛlɛsɛkye ndɛndɛ. Ɛdwenle kɛ sonla arane bahola ali ngyegyelɛ ne anwo gyima bɔkɔɔ ɔ? [Maa ɔbua. Akee kenga Mateyu 6:10.] Edwɛkɛ ɛhye suzu deɛmɔti ɔhyia kɛ yɛdwenle nwo na ɔtwe adwenle ɔkɔ ye sɔbelɛ mɔɔ Nyamenle lɛ la azo.” Fa edwɛkɛ ne mɔɔ wɔ mukelɛ 20 la kile ye.

The Watchtower Dec. 1

“Mekɛ ɛhye wɔ ɛvolɛ ne anu, menli dɔɔnwo ɛlɛdwenle Gyisɛse anwo. Duzu a wɔzukoa wɔvi Gyisɛse ɛkɛ a? [Maa ɔbua.] Baebolo ne maa yɛ anwosesebɛ kɛ yɛli Gyisɛse neazo ne anzi. [Kenga 1 Pita 2:21.] Saa yɛyɛ ye zɔ a, ɔbamaa yɛ nye alie kpalɛ. Magazine ɛhye kilehile deɛmɔti ɔle zɔ la anu.”

Awake! Dec.

“Menli ɛzuzu kpuyia ɛhye anwo wɔ ɛvolɛ dɔɔnwo anu. [Twe ye adwenle kɔ kpuyia ne mɔɔ wɔ zolɛ la azo.] Nienwu a ɛdwenle kɛ yɛbanyia nwolɛ mualɛ kpalɛ a? [Maa ɔbua.] Nea deɛmɔti yɛbahola yɛakpondɛ nwolɛ mualɛ yɛavi Nyamenle ɛkɛ la. [Kenga Edwɛndolɛ 100:3.] Magazine ɛhye kile mɔɔ Baebolo ne ka wɔ edwɛkɛ ɛhye anwo la.”