Mɔɔ Yɛbaha Ye Magazine ne Anwo

The Watchtower Oct. 1

“Asoo wɔha ye ɛlɛ kɛ, ‘Meze a, anrɛɛ meanyɛ ye zɔ ɔ!’? [Maa ɔbua.] Yɛ mɔɔ ɛhye ka wɔ deɛmɔti ɔdwu mekɛ ne bie a, yɛ kɔsɔɔti yɛsi kpɔkɛ mɔɔ nzinlii yɛnu yɛ nwo wɔ nwolɛ la. [Kenga Gyɛlɛmaya 10:23.] Magazine ɛhye kilehile kɛzi folɛdulɛ kpalɛ mɔɔ wɔ Baebolo ne anu boa yɛ maa yɛsi kpɔkɛ kpalɛ la.”

Awake! Oct.

“Ɛdwenle kɛ esiane dɔɔnwo wɔ ɛkɛ maa ngakula ɛnɛ tɛla dɛba ne ɔ? [Maa ɔbua.] Menli dɔɔnwo te nganeɛ kɛ yɛwɔ mekɛ mɔɔ bɛha nwolɛ edwɛkɛ wɔ ɛke la anu. [Kenga 2 Temɔte 3:1-5.] Magazine ɛhye fa nzuzulɛ kpalɛ bie mɔ wɔ kɛzi awovolɛ bahola abɔ bɛ mra nwo bane avi menli mɔɔ fa ngakula nwo la maa.”

The Watchtower Oct. 15

“Menli dɔɔnwo te nganeɛ kɛ anyelazo kpalɛ bie ɛnle ɛkɛ wɔ kenlebie yemɔti ɔle kpalɛ kɛ yɛbadɛnla aze yɛamaa ɛnɛ ala. Kɛzi ɛdwenle nwo ɛ? [Maa ɔbua.] Gyisɛse hanle edwɛkɛ ɛhye mɔɔ yɛ anyelielɛ la. [Kenga Mateyu 6:34.] Magazine ɛhye kilehile kɛzi yɛbahola yɛayɛ ngyehyɛleɛ kpalɛ yɛado ɛkɛ yɛamaa kenlebie na mekɛ ko ne ala yɛammaa nwolɛ adwenledwenle dɔɔnwo angyegye yɛ la.”

Awake! Oct.

“Yɛ kɔsɔɔti yɛ alɔvolɛ ɛwu. Ɛdwenle kɛ bɛwɔ anwuma bɛlɛnea yɛ ɔ? [Maa ɔbua.] Yɛ edwɛkɛ mɔɔ Gyisɛse hanle wɔ mekɛ mɔɔ Lazalɛse wule la nzonlɛ. [Kenga Dwɔn 11:11] Edwɛkɛ ɛhye maa yɛnwu ye kɛ saa mɔwuamra de aze wɔ ɛleka bie, anzɛɛ bɛlɛda bɛahendɛ ewudwazo a.” Fa edwɛkɛ ne mɔɔ bɔ ɔ bo wɔ mukelɛ 28 la di gyima.