Mɔɔ Yɛbaha ye Magazine ne Anwo

The Watchtower Sept. 1

“Menli dɔɔnwo te nganeɛ kɛ, ‘Ngyekyeleɛ Dɛba’ ne ka edwɛkɛ mɔɔ nvasoɛ wɔ zo la. Noko ɔsi bɛ nwo kɛ saa adehilelɛ mɔɔ ɔfa ɔmaa la anwo hyia ɛnɛ a. Kɛzi ɛbu ye ɛ? [Maa ɔbua. Akee kenga Wulomuma 15:4.] Magazine ɛhye kile kɛzi ‘Ngyekyeleɛ Dɛba’ ne fa alehyenlɛ biala ɛbɛlabɔlɛ nee anyelazo kpalɛ mɔɔ wɔ ɛkɛ maa kenlebie la anwo folɛdulɛ kpalɛ maa la.”

Awake! Sept.

“Asoo ɛdwenle kɛ esiane mɔɔ si la vi Nyamenle ɔ? [Maa ɔbua. Akee kenga Mɛla ne 32:4.] Magazine ɛhye suzu deɛmɔti Nyamenle maa adenle maa esiane si la anwo. Eza ɔkile kɛzi ɛbahola wɔabɔ wɔ abusua ne anwo bane la.”

The Watchtower Sept. 15

“Mekulo kɛ menwu wɔ adwenle wɔ edwɛkɛ ɛhye anwo. [Kenga Mɛla ne 32:4.] Asoo yezi ɛ nwo ɛlɛ kɛ saa Nyamenle lɛ tumi kɔsɔɔti na ɔdi pɛlepɛle a, duzu ati a akee amaneɛnwunlɛ nee amumuyɛ dɔɔnwo wɔ ewiade ye anu a? [Maa ɔbua.] Magazine ɛhye kilehile deɛmɔti Nyamenle ɛmaa amumuyɛ nwo adenle bakpula yɛ mekɛ ye la anu.”

Awake! Sept.

“Yɛ nuhua dɔɔnwo kulo kpɔkɛdelɛ kpalɛ nee ngoane tendenle. Ɛdwenle kɛ saa yɛ nye die a, ɔbamaa yɛanyia kpɔkɛdelɛ kpalɛ ɔ? [Maa ɔbua. Akee kenga Mrɛlɛbulɛ 17:22.] Edwɛkɛ ɛhye suzu deɛmɔti ɔfɛta kɛ yɛnyia adwenle kpalɛ la anwo.” Fa edwɛkɛ ne mɔɔ wɔ mukelɛ 26 la di gyima.