Mɔɔ Yɛbaha ye Magazine ne Anwo

The Watchtower July 1

“Asoo deɛmɔti mɔɔ bɛyɛ menli amumuyɛ ɔluakɛ asolo kɛzi bɛ nwonane nye de, maanle mɔɔ bɛvi nu, anzɛɛ aneɛ ngakyile mɔɔ bɛka la ɛzi ɛ nwo ɛlɛ ɔ? [Maa ɔbua.] Yɛ adwenle ne mɔɔ bɛhile ye ɛke la nzonlɛ. [Kenga 1 Dwɔn 4:20.] Magazine ɛhye ye kpuyia ne mɔɔ se, Asoo aneɛ avinli koyɛlɛ bahola ayɛ boɛ? la anloa.”

Awake! July

“Alesama ɛnle kɛ nane mɔɔ dua nganeɛdelɛ zo a yɛ debie la, bɛkola bɛkpa ngyinlazo mɔɔ bɛkulo kɛ bɛfa bɛbɔ bɛ ɛbɛla la. Nienwu a ɛsuzu kɛ yɛkɔ a, yɛbanyia adehilelɛ kpalɛ a? [Maa ɔbua.] [Akee kenga Edwɛndolɛ 119:105.] Magazine ɛhye kilehile nvasoɛ kpole mɔɔ wɔ adehilelɛ mɔɔ wɔ Baebolo ne anu azo la anu.”

The Watchtower® July 15

“Alɔvolɛ ewule kola fa nyane kpole ba. Ɛdwenle kɛ debie wɔ bɛ nu mɔɔ kɔ zo tɛnla aze ɔ? [Maa ɔbua.] Gyisɛse vale edwɛkɛ ɛhye mɔɔ wula anwosesebɛ la manle. [Kenga Dwɔn 5:28, 29.] Kɛmɔ Gyisɛse hanle kɛ ewudwazo bie ‘ɛlɛba,’ la ati, magazine ɛhye kile ɛleka mɔɔ Baebolo ne kile kɛ mɔwuamra wɔ ye kɛkala la.”

Awake! July

“Menli dɔɔnwo bɔ mɔdenle bɔ bɛ ɛbɛla kpalɛ kɛmɔ bɛkɛhola la, na bɛte nganeɛ kɛ mɔɔ hyia la a le kɛ ɛkɛyɛ sonla kpalɛ. Asoo kɛ ɛte nganeɛ la ɛne? [Maa ɔbua.] Nea esiane mɔɔ wɔ nu kɛ kɛzi yɛbu mɔɔ le kpalɛ la kɛyɛ ngakyile kɛvi kɛzi Nyamenle bu ye la anwo. [Kenga Mrɛlɛbulɛ 14:12.] Edwɛkɛ ɛhye suzu mɔɔ kile kɛ awie le sonla kpalɛ wɔ Nyamenle anye zo la anwo.” Fa edwɛkɛ ne mɔɔ bɔ ɔ bo wɔ mukelɛ 20 la di gyima.