Maa Ɔyɛ Sikalɛ

Mɔɔ Gyisɛse Yɛle La

VIDIO: Gyisɛse Yɛle Kɛzi Yɛ Ze Dwenle Yɛ Nwo La Anwo Ndonwo

1. Nea VIDIO ne, anzɛɛ kenga Mateyu 6:​25-27. Akee suzu kpuya ɛhye mɔ anwo:

1. Ndonwo boni a Gyisɛse yɛle ɔvale ɔhilele kɛ Gyihova dwenle yɛ nwo a?

2. Ɛnee Gyisɛse ze nloma nwo edwɛkɛ dɔɔnwo ɛdeɛ, noko bɛ nwo edwɛkɛ sikalɛ boni a ɔhanle a? Duzu ati a adenle zɔhane mɔɔ ɔluale zo ɔhilehilele la le kpalɛ a?

Duzu A Yɛsukoa Yɛfi Gyisɛse Ɛkɛ A?

2. Saa yɛdua adenle sikalɛ zo yɛkilehile menli a, bɛbahakye mɔɔ yɛhilehilele bɛ la na yeaha bɛ ahonle.

Sukoa Gyisɛse

3. Mmatendɛ dɔɔnwo. Kɛ anrɛɛ ɛbaha debie biala mɔɔ ɛze ye wɔ edwɛkɛtile bie anwo la, fa wɔ adwenle sie edwɛkɛ ne mɔɔ wɔ buluku ne anu la azo. Saa ɛbiza ye kpuya a, si abotane kendɛ maa ɔbua. Saa ɔnze mualɛ ne anzɛɛ ɔka edwɛkɛ mɔɔ nee Baebolo ngilehilelɛ ɛnle ko a, biza kpuya gyɛne fa boa ye maa ɔdwenle edwɛkɛ ne anwo. Saa wɔ sukoavo ne te edwɛkɛ titili ne abo a, toa zo.

4. Boa wɔ sukoavo ne maa ɔlua ninyɛne mɔɔ yezukoa ye dɛba la azo ɔzukoa debie fofolɛ. Kɛ neazo la, kolaa na bɛazukoa ewudwazo ne anwo debie la, ɛbahola wɔabiza sukoavo ne mɔɔ ɔze ye wɔ mowuamra anwo la anwo edwɛkɛ sikalɛ.

5. Fa ndonwo di gyima kpalɛ. Kolaa na wɔava ndonwo bie wɔali gyima la, biza ɛ nwo kɛ:

1. a. ‘Asoo ndonwo ne le sikalɛ ɔ?’

2. b. ‘Asoo sukoavo ne bade ɔ bo ndɛndɛ ɔ?’

3. d. Asoo ɔbaboa me sukoavo ne yeamaa yeahakye edwɛkɛ titili ne, na tɛ ndonwo ne ala ɔ?’