Te Bɛ Ngyegyelɛ Bo

Mɔɔ Gyisɛse Yɛle La

VIDIO: Menli Ne Anwo Yɛle Gyisɛse Alɔbɔlɛ

1. Nea VIDIO ne, anzɛɛ kenga Maake 6:​30-34. Akee suzu kpuya ɛhye mɔ anwo:

1. Kɛmɔti a ɛnee Gyisɛse nee ye ɛzoanvolɛma ne kulo kɛ ‘bɛkɔ ɛleka bie mɔɔ le koonwu’ la ɛ?

2. Duzu a maanle Gyisɛse hilehilele menli ne a?

Duzu A Yɛsukoa Yɛfi Gyisɛse Ɛkɛ A?

2. Yɛkulo kɛ yɛka edwɛkɛ ne yɛkile menli noko eza yɛkulo kɛ yɛboa bɛ.

Sukoa Gyisɛse

3. Tie ye kpalɛ. Maa ahenle ɛha mɔɔ gyegye ye la. Mmapɛ ɔ nloa azo anzɛɛ mmayɛ ye ndɛ ɛbɔ mɔɔ ɔlɛka la ɛgua anzɛɛ mmabu ɛ nye ɛgua ye nganeɛdelɛ zo. Saa ɛtie ye kpalɛ a, yemɔ bamaa yeanwu kɛ ɛdwenle mɔɔ gyegye ye la anwo.

4. Dwenle ahenle anwo. Gyinla adawu mɔɔ ɛ nee ye ɛbɔ la azo biza ɛ nwo kɛ:

1. ‘Duzu ati a ɔwɔ kɛ ɔnwu nɔhalɛ ne a?’

2. ‘Kɛzi ɔsukoa Baebolo ne a ɔbamaa ye ɛbɛlabɔlɛ ayɛ kpalɛ na yeanyia anyelazo ɛ?’

5. Ka edwɛkɛ mɔɔ baboa ye la. Maa ɔnwu kɛzi Baebolo ɛzukoalɛ bahola abua ye kpuya ne mɔ na yeaboa ye la ndɛndɛ.