Da Anwunvɔnezelɛ Ali

Anwunvɔnezelɛ kile kɛ ɛte awie mɔ edwɛkɛ, bɛ nganeɛdelɛ, bɛ ngyinlazo nee bɛ ngyianlɛ bo. Anwunvɔnezelɛ a ka yɛ maa yɛboa awie mɔ a, na saa yɛse awie mɔ anwunvɔne a, bɛnwu ye. Saa yɛda anwunvɔnezelɛ ali wɔ daselɛlilɛ nu a, ɛnee yɛlɛsukoa Gyihova ɛlɔlɛ nee kɛzi ɔdwenle menli nwo la, na ɛhye twe menli bikye ye.​—Fe 2:4.

Anwunvɔnezelɛ ɛnle adenle mɔɔ yɛdua zo yɛkilehile ala, emomu ɔda ali wɔ kɛzi yɛtie menli, kɛzi yɛtendɛ yɛkile bɛ, subane mɔɔ yɛda ye ali, kɛzi yɛkeha yɛ nwo nee kɛzi yɛyɛ yɛ nyunlu maanle ne la anu. Yɛse awie anwunvɔne wɔ mekɛ mɔɔ yɛbahile ɔ nwo anyelielɛ la. Yɛfa yɛ adwenle yɛsie ninyɛne mɔɔ ɔ nye die nwolɛ, mɔɔ ɔdie ɔdi nee tɛnlabelɛ mɔɔ ɔwɔ nu la azo. Yɛbɔ mɔdenle kɛ yɛbaboa ye wɔ ndenle ngakyile zo, noko yɛntinlitinli ɔ nwo zo kɛ ɔyɛ nzenzaleɛ. Saa awie mɔ maa adenle maa yɛboa bɛ a, ɔmaa anyelielɛ mɔɔ yɛlɛ ye wɔ ɛzonlenlɛ gyima ne anwo la yɛ kpole.

NEA NYIA FƐLƐKOLILƐ NE MƆƆ ƐDOAVOLƐYƐLƐ GYIMA NE FA BA LA BIE​—NYIA ANYUHƆLƐ—DA ANWUNVƆNEZELƐ ALI VIDIO NE NA BUA KPUYA ƐHYE MƆ:

• 

  Kɛzi Manzakyi lale anwunvɔnezelɛ ali wɔ mekɛ mɔɔ Rose amba ndɛ la ɛ?

• 

  Kɛzi Manzakyi lale anwunvɔnezelɛ ali wɔ mekɛ mɔɔ Rose hanle kɛ yevɛ na ɔnrɛhola sukoa la ɛ?

• 

  Kɛzi Manzakyi lale anwunvɔnezelɛ ali wɔ mekɛ mɔɔ Rose hanle kɛ ɔnle awie mɔɔ ɔkola ɔtoto ninyɛne boɛ la ɛ?