Dwenle Awie Mɔ Anwo

Mɔɔ Gyisɛse Yɛle La

VIDIO: Gyisɛse Nee Raalɛ Ne Wɔ Bula Ne Azo

1. Nea VIDIO ne, anzɛɛ kenga Dwɔn 4:​6-9. Akee suzu kpuya ɛhye mɔ anwo:

1. Duzu a Gyisɛse nwunle ye wɔ raalɛ ne anwo kolaa na yeabɔ adawubɔlɛ ne abo a?

2. Gyisɛse hanle kɛ: “Maa me nzule ne bie meno.” Duzu ati a ɛhye le adenle kpalɛ mɔɔ bɛdua zo bɛbɔ adawubɔlɛ bo a?

Duzu A Yɛsukoa Yɛfi Gyisɛse Ɛkɛ A?

2. Saa yɛfa edwɛkɛ mɔɔ awie anye die nwo la yɛbɔ adawubɔlɛ bo a yɛbahola yɛ nee ye abɔ adawu kpalɛ.

Sukoa Gyisɛse

3. Kakyi wɔ edwɛkɛ ne anu. Mmayɛ kyengye kɛ edwɛkɛ mɔɔ wɔ ɛ ti anu la ala a ɛka a. Fa debie mɔɔ awie mɔ ɛlɛka nwolɛ edwɛkɛ ɛnɛ la bɔ ɔ bo. Biza ɛ nwo kɛ:

1. ‘Boni a ɛzi mɔɔ bɛlɛka nwolɛ edwɛkɛ a?’

2. ‘Duzu a me kpalɛzoamra, me gɔnwo mɔ gyimayɛvoma anzɛɛ sukuluma ɛlɛka nwolɛ edwɛkɛ a?’

4. Nea mɔɔ ɛlɛkɔ zo la. Biza ɛ nwo kɛ:

1. a. ‘Duzu a ahenle gua zo ɛlɛyɛ a? Duzu a ɔbayɛ kɛ ɔlɛdwenle nwo a?’

2. b. ‘Duzu a ahenle tɛladeɛ, ye anwoziezielɛ anzɛɛ ye sua nu maa menwu ye wɔ ye diedi anzɛɛ ye amaamuo nwo a?’

3. d. ‘Asoo ɛhye a le mekɛ kpalɛ mɔɔ ɔwɔ kɛ me nee ahenle tendɛ ɔ?’

5. Tie ye.

1. Mmatendɛ dɔɔnwo.

2. Maa ahenle anwosesebɛ maa ɔdendɛ. Mekɛ mɔɔ fɛta la anu, biza kpuya.