Fi Ahonle Nu Tendɛ

Mɔɔ Felepe Yɛle La

VIDIO: Felepe Hanle Edwɛkɛ Ne Hilele Yiteyopeanli Kpanyinli Ne

1. Nea VIDIO ne, anzɛɛ kenga Gyima ne 8:​30, 31. Akee suzu kpuya ɛhye mɔ anwo:

1. Kɛzi Felepe bɔle adawubɔlɛ ne abo ɛ?

2. Duzu ati a adenle ɛhye mɔɔ ɔluale zo ɔbɔle adawubɔlɛ ne abo na ɔhilele nrenyia ne debie fofolɛ la le kpalɛ ɛ?

Duzu A Yɛsukoa Yɛfi Felepe Ɛkɛ A?

2. Saa yɛmaa adawubɔlɛ ne fa ɔ nwo ba a, bie a ɔbamaa ahenle ahonle adɔ ye azule nu na ɔ nee yɛ azuzu edwɛkɛ ne anwo.

Sukoa Felepe

3. Nea mɔɔ ɛlɛkɔ zo la. Ɛnea awie anyunlu nee kɛzi ɔbayɛ ɔ nwo la a ɔbamaa wɔanwu kɛzi ahenle de la. Asoo ahenle kulo kɛ ɔ nee wɔ tendɛ ɔ? Ɛbahola wɔabiza edwɛkɛ sikalɛ le kɛ, “Asoo ɛze kɛ . . . ?,” wɔava wɔabɔ Baebolo ne anu edwɛkɛ bie abo. Mmayɛ ye kyengye kɛ ɛ nee awie mɔɔ ɔngulo kɛ ɔtendɛ la babɔ adawu.

4. Si abotane. Mmate nganeɛ kɛ ɔwɔ kɛ ɛka Baebolo ne anu edwɛkɛ ɛkɛ ne ala. Kendɛ na nwolɛ adenle ne ba a wɔayɛ ye zɔ. Ɛhye bahola ahile kɛ ɔdwu mekɛ ne bie a, ɔwɔ kɛ ɛkendɛ kɔkpula mekɛ bieko mɔɔ ɛ nee ahenle babɔ adawu la.

5. Kakyi edwɛkɛ ne. Adawubɔlɛ bie bahola ahakyi arɛlevilɛ nu. Ɔti siezie ɛ nwo kɛ ɛbaha edwɛkɛ bie mɔɔ baboa ahenle la, saa ɛhye bɔbɔ kile kɛ ɔwɔ kɛ ɛka Baebolo ne anu edwɛkɛ bie mɔɔ le ngakyile fi mɔɔ wɔ ɛ ti anu la anwo a.