Oku Orikubaasa Kuhandiika Ebaruha

• Koresa endagiriro eyaawe. Waareeba ngu tiky’obwengye kukoresa endagiriro eyaawe, noobaasa kukoresa endagiriro y’Ekyombeko ky’Obukama beitu abareeberezi baaba bakuhaire orusa rw’okugikoresa. Kwonka, TOSHEMEREIRE kukoresa endagiriro ya ofiisi y’eitaagi.

• Koresa eiziina rw’omuntu ou orikuhandikira waaba noorimanya. Nikibaasa kuhwera ou waahandiikira kumanya ngu ebaruha n’eye.

• Teeraho kuhandiika ebigambo ebihikire, kandi omu muringo ogurikuhikaana n’ebiragiro by’orurimi. Ebaruha eine kuba ehandiikirwe gye etarimu burofa. Waaba ogihandiikise engaro, eine kuba neeyetegyerezibwa gye. Empandiika teshemereire kuba neesheeshurira kimwe enshonga kandi nabwo teshemereire kuba egumire kwetegyereza.

Ebaruha egi neeyoreka enshonga ezi. Ti y’okukopoorora ekigambo aha kindi waaba oine omuntu weena ou orikuhandikira omu kicweka kyanyu. Kora empindahinduka omu baruha yaawe kurugiirira aha kigyendererwa kyayo, embeera z’ekicweka nari emigyenzo.