Okwongyera Kubuurira Gye​—Okuhandiika Ebaruha Nungi

AHABW’ENKI KIRI KIKURU: Ekitabo 1 Abakorinso ni kimwe aha baruha 14 ezi entumwa Paulo yaahandiikiire Abakristaayo bagyenzi be kubaasa kubagaruramu amaani. Omuntu yaaba naahandiika ebaruha naaba aine obwire bw’okutoorana ebigambo birungi, kandi orikugitunga naabaasa kugishoma emirundi mingi. Okukoresa amabaruha n’omuringo murungi gw’okubuurira abanyabuzaare baitu na banywani baitu. Kandi n’omuringo murungi gw’okubuurira abu kitoorobi kureeba. Nk’eky’okureeberaho, omuntu naabaasa kworeka ngu naayenda kumanya ebirikukiraho kwonka kigume kugaruka kumushanga omu ka. Abamwe omu kicweka kyaitu nikibaasa kuba kitoorobi kubahikaho ahabw’okugira ngu nibatuura omu byombeko ebiine oburinzi bw’amaani, omu nju ezetooroirwe engo, nari omu myanya eya hare. Twine kwijuka ki na munonga twaba nituhandiikira omuntu ou tutarikumanya?

OKU ORIKUBAASA KUKIKORA:

• 

  Handiika ebi waakwenzire kumugambira waaba ori nawe. Aha kutandika kw’ebaruha yeyanjure, kandi oyorekye kurungi ahabw’enki waahandiika. Noobaasa kutaho ekibuuzo ky’okuteekateekaho, reero omugambire kuza aha mukura gwaitu. Mugambire entebeekanisa ya Online Bible Study Lessons, entebeekanisa y’okwegyesa abantu Baibuli, nari oteho n’emwe aha mitwe y’amashomo kuruga omuri kamwe aha butabo obu turikukoresa kwegyesa abantu Baibuli. Noobaasa kugira eki waata omu bahaasa, nka kaada ya jw.org, akapapura k’okweta abantu, nari turakiti

• Koresa ebigambo bikye. Ebaruha yaawe teshemereire kuba ndaingwa kureetera orikugishoma kuruha atakaherize kugishoma.​—Reeba oku orikubaasa kuhandiika ebaruha

• Gishwijume kwihamu enshobe, teeraho kugihandiika gye kandi eyorobi kushomwa, kandi ebigambo byorekye ngu oine rukundo n’emiteekateekyere mirungi. Taho sitampu zirikumara