Oku Orikubaasa Kukoresa Ebi Turikubaasa Kugaaniiraho

Kuruga Jenwari 2018, ebi turikubaasa kugaaniiraho bitwire nibiizira omu Obuheereza Bwaitu n’Oku Turikutwaza​—Akatabo k’Okukoresa. Nitubaasa kubikoresa tuta?

Waaba Oine Orubazo: Oshemereire kukoresa ekibuuzo, ekyahandiikirwe, n’ekiraakurateho kuruga omu bi turikubaasa kugaaniiraho. Kwonka eki tikirikumanyisa ngu oine kukoresa ebigambo byenyine ebiri omu vidiyo. Noobaasa kukoresa omuringo ogundi, enyanjura, okushoboorora omu muringo ogundi, n’ebindi. Noobaasa n’okugaba akatabo kuruga omu By’okukoresa Kwegyesa n’obu kyakuba kitarikugambwaho omu buhabuzi obuhairwe aha bw’ekicweka ekyo.

Waaba Ori omu Kubuurira: Ebi turikubaasa kugaaniiraho bitebeekanisiibwe kutuhwera kutandika kugaaniira. Omuntu yaayoreka ngu yaabikunda kandi naayenda kumanya ebirikukiraho, noobaasa kugumizamu noogaaniira nawe, obundi orikukoresa ebiri omu bi turikubaasa kugaaniiraho twaba tugarukireyo. Noobaasa kukora empindahinduka omu nyanjura ezituhairwe, nari noobaasa kukoresa enyanjura endiijo. Mbwenu shi eky’okugaaniiraho eky’okwezi okuhweire nari ekyahandiikirwe ekindi nikibaasa kushemeza abantu omu kicweka kyanyu? Ahu orikutuura abantu nibakunda kugamba aha bintu ebibaireho omu kicweka? Oku oraacwemu kwona kukoresa ebi turikubaasa kugaaniiraho, oshemereire kuba oine ekigyendererwa ky’okukora byona ahabw’amakuru marungi kugira ngu obuurire abandi.​—1Kor 9:22, 23.