Abajurizi ba Yehova n’Ekiita Bantu—Baibuli Neegamba Ki?

Okwokubanza 27, 2023, abantu baingi nibaza kuba nibaijuka eizooba ry’ekiita bantu omu nsi yoona. Obwitsi obwabaireho emyaka erengire 75 enyima nibubaasa kukureetera kwebuuza ahabw’enki Ruhanga yaarekire ekiita bantu ekyo kubaho.

• Kubaasa kumanya eki Baibuli erikugamba, shoma ekicweka, “Ahabw’enki Haabaireho Ekiita Bantu, Kandi Ahabw’enki Ruhanga Atarakizibiire?”

Abayudaaya bakabonabonesibwa ekirenga omu bwire bw’ekiita bantu. Obukaikuru bw’abantu bakaitwa nkana. Na guruupu z’abantu abandi nazo zikahiiganisibwa, nangwa na bamwe baitwa omu bwire bw’ekiita bantu. Aba bakaba nibatwariramu Abajurizi ba Yehova, abaabaire nibahiiganisibwa ahabw’enyegyesa zaabo ezirikwegamira ahari Baibuli.

• Kumanya ebirikukiraho, shoma ekicweka, “What Happened to Jehovah’s Witnesses During the Time of the Holocaust?”

“Amatsiko” n’Ebiro by’Omumaisho

Abantu baingi nibatiina ngu ekiita bantu nikibaasa kugaruka kubaho. Ekirungi, Baibuli neegamba aha biro by’omumaisho obu obwinazi nk’obu butaraagarukye kubaho.

• ‘Nimmanya ebi ndikubateekateekyera, eby’oburungi bitari by’obubi, ngu mbone kubatamu amatsiko g’ebirikwija kubaho bwanyima, nikwo [Yehova] arikugira.’—Yeremia 29:11.a

Amatsiko aga nigaija kuhikiirira Yehova Ruhanga ku araamareho ebikorwa bw’obwinazi, akaihaho n’akabi aku bireetsireho. Juba naija:

• Kwihaho abarikwinaza abandi.—Enfumu 2:22.

• Kukiza boona abarikubonabonesibwa.—Okushuuruurwa 21:4.

• Kuzoora abafu bagarukye bagire amagara.—Yohaana 5:28, 29.

Noobaasa kwesiga amatsiko agarikuhuumuriza agarikugambwaho omu Baibuli. Kumanya enshonga ahabw’enki, nitukuhiga kwejumba omu mushomo gwaitu gwa Baibuli.