Buurira n’Obweziriki Amazima Agarikukwata Ahari Yesu

Obweziriki bwaitu nibweyongyera twaba nitumanya oku tushemereire kuhwera abandi kumanya amazima agarikukwata ahari Yesu. Yesu niwe ibaare ery’obuhamizo ahu okwikiriza okuhikire kwombekire. (Efe. 2:20) Ahu atari, tukaabaire tutaine matsiko g’amagara agatahwaho. (Byak. 4:12) N’ahabw’ekyo, ni kikuru twena kumanya omwanya ogu Yesu aine omu kigyendererwa kya Ruhanga. Baingi bahabisiibwe enyegyesa ezitari mu byahandiikirwe. Eky’obusaasi, nibabaasa kufeerwa emigisha ei Ruhanga arikuraganisa abarikworeka ngu nibaikiririza omuri Yesu. Obweziriki obu twiniire amazima nibwija kutuhiga kuhwera abarikwenda kumanya amazima agarikukwata ahari Yesu, omukago ogu aine na Ruhanga, n’omwanya gwe omukuru omu kigyendererwa kya Ruhanga. Mbwenu shi omu bwire bw’Ekiijutsyo, noija kubuurira n’obweziriki amazima agarikukwata ahari Yesu?