Okweijutsya eby’Eishomero ry’Obuheereza

Endembo z’okuhungiramu omu Israeli zikaba ziine ntaaniso ki aha myanya y’okuramizamu ey’abakaafiire eyaabaire ehungirwamu enkozi z’ebihagaro? (Yos. 20:2, 3) [Jen. 5, w10-E 11/1 rup. 15 kacw. 4-6]

Ahabw’enki Yoshua yaabaire naabaasa kugamba ebigambo ebiri omuri Yoshua 23:14 n’obumanzi, kandi ahabw’enki turikubaasa kwesigira kimwe ebiraganiso bya Yehova? [Jen. 12, w07-E 11/1 rup. 26 kacw. 19]

Ahabw’enki oruganda rwa Yuda nirwo rwatoorainwe kubanza kuheebwa obuhunguzi bwarwo? (Bar. 1:2, 4) [Jen. 19, w05-E 1/15 rup. 24 kacw. 5]

Ahabw’enki Baraka Yaahamize ngu nabikazi Debora akaba aine kugyenda nawe aha rugamba? (Bar. 4:8) [Jen. 19, w05-E 1/15 rup. 25 kacw. 4]

Eiziina eri Gideoni yaayetsire itambiro eri yaayombekire nirimanyisa ki, kandi eki nitukyegaho ki? (Bar. 6:23, 24) [Jen. 26, w14 2/1 rup. 24-25 kacw. 9]

Nitwega ki aha ku Gideoni yaagarukiremu abashaija ba Efuraimu abaamutonganise munonga? (Bar. 8:1-3) [Feb. 2, w05-E 7/15 rup. 16 kacw. 4]

Kwonka shi Yefusa akaba naamanya ngu naija kuhayo ekitambo ky’omuntu obu yaarahira? (Bar. 11:30, 31) [Feb. 9, w05-E 1/15 rup. 26 kacw. 1]

Kurugiirira aha biri omu Abaramuzi 11:35-37, niki ekyahwereire muhara wa Yefusa kuhikiiriza okuragaanisa kwa ishe? [Feb. 9, w11-E 12/15 rup. 20-21 kacw. 15-16]

Obu haabaire hatariho mugabe omuri Israeli “buri muntu akaba naayekorera nk’oku arikwenda,” mbwenu shi embeera egyo ekaba neeyoreka ngu hakaba hatariho buteeka? Shoboorora. (Bar. 17:6) [Feb. 16, w05-E 1/15 rup. 27 kacw. 8]

Nitwega ki aha bikwatiraine n’okwezirikira okushaba kurugiirira aha Abaisraeli obu basingurwa ab’oruganda rw’Ababenyamiini omu rugamba emirundi ebiri? (Bar. 20:14-25) [Feb. 23, w11-E 9/15 rup. 32 kacw. 1-4]