Waakoreiseho Ebirikuba Biri Enyima ya Watchtower?

Abantu ku barikukwata magaziini, nibakira kubanza kureeba aha mutwe gwayo reero barakuka kugihindura bareeba enyima yaayo. Enyima ya The Watchtower ey’abantu boona nihaba hariho ebibuuzo ebirikureetera omuntu kwenda kumanya ebirikukiraho kandi hariho n’enamba z’empapura ahu eby’okugarukamu by’ebibuuzo ebyo birikushangwa.

Nitubaasa kukoresa ebibuuzo ebirikuba biri enyima ya Watchtower kutandika kubuurira omuntu. Twaba tubuuriire omu kicweka emirundi mingi, nitubaasa kukoresa enyanjura zitari zimwe na zimwe turikukoresa ebibuuzo bitarikushushana. Ou orikubuurira yaaba aine bingi eby’okukora, noobaasa kukoresa enyanjura ngufu orikumworeka kimwe aha bibuuzo ebiri enyima ya Watchtower reero ogire oti, “Waaba nooyenda kumanya eky’okugarukamu ky’ekibuuzo eki, nimbaasa kukutsigira zaamagaziini ezi, reero nitubaasa kweyongyera kugaaniira obu oraabe oine obwire.” Ababuurizi abamwe nibabaasa kutandika kubuurira barikworeka ou barikubuurira ebirikuba biri enyima ya Watchtower reero bamushabe kutoorana ekibuuzo eki arikwenda kutunga eky’okugarukamu kyakyo. Nibabaasa kworeka ou barikubuurira ahu eby’okugarukamu by’ebibuuzo ebyo biri reero bamushomere ekyahandiikirwe ekitebeekanisiibwe kare. Obundi noobaasa kuteekateeka aha miringo endiijo ei orikubaasa kukoresamu ebirikuba biri enyima ya Watchtower kureetera abantu kukunda kugishoma.