Okweijutsya eby’Eishomero ry’Obuheereza

Ebibuuzo ebi ahaifo nibiija kugarukwamu omu Eishomero ry’Obuheereza, omu saabiiti erikutandika Agusto 30, 2010. Omureeberezi orikwebembera eishomero naija kukoresa edakiika 20 kwebembera ekicweka ky’ebyayegirwe kuruga Gyuraayi 5 kuhika Agusto 30, 2010.

1. Okuteekateeka munonga aha shaara ya Sulemaani arikuhayo hekalu nikwija kutuhwera kuta kwongyera kwetegyereza emitwarize ya Yehova? (1 Bag. 8:22-53) [w05-E 7/1 rup. 30 kacw. 3; it-2-E rup. 989 kacw. 4]

2. Ahabw’enki turikubaasa kugira ngu Daudi akaheereza Yehova “n’omutima gw’amazima” n’obu araabe yaakozire enshobe nyingi? (1 Bag. 9:4) [w97-E 5/1 rup. 5 kacw. 1-2]

3. Ahabw’enki omugabekazi wa Sheeba yaagambiire Sulemaani ati: ‘Abaheereza baawe aba bahiiriirwe, abeemerera obutoosha omu maisho gaawe, bakahurira obwengye bwawe!’? (1 Bag. 10:4-8) [w99-E 11/1 rup. 20 kacw. 5-7]

4. Nitubaasa kugira ngu ni nshonga ki eyaakuba yaareetaire Yehova kuragiira ngu Abiya aziikwe omu muringo murungi? (1 Bag. 14:13) [cl-E rup. 244 kacw. 11]

5. Obwire obu Eliya yaataayaayiiremu Ahabu aha omurundi gw’okubanza bukaba nibworeka ki? (1 Bag. 17:1) [w08-E 4/1 rup. 19, akabokisi]

6. Ebigambo ‘okugira emitima ebiri’ ebi Eliya yaagambire bikaba nibimanyisa ki? (1 Bag. 18:21) [w08-E 1/1 rup. 19 kacw. 3-4]

7. Nk’oku kyabaire ahari Eliya, Yehova naakoresa amaani ge ahabwa kigyendererwa ki aha bikwatiraine n’abaheereza be? (1 Bag. 19:1-12) [cl-E rup. 42-43 kacw. 15-16]

8. Ahabw’enki Nabosi yaayangire kuguza Ahabu omusiri gwe gw’emizaabibu, kandi ekyo nitukyegaho ki? (1 Bag. 21:3) [w97-E 8/1 rup. 13 kacw. 18-20]

9. Ni mu muringo ki ogu omukazi wa Shuneemu ‘yaafeereire kubi’ Elisa? (2 Bag. 4:13) [w97-E 10/1 rup. 30 kacw. 6-8]

10. Ahabw’enki Elisa yaayangire ekiconco kya Naamani? (2 Bag. 5:15, 16) [w05-E 8/1 rup. 9 kacw. 2]