Entebeekanisa Y’enteerane Z’obuheereza Gyuraayi 6
SAABIITI ERIKUTANDIKA GYURAAYI 6
□ Okwega Baibuli okw’Ekibiina:
lv-RR eshu. 7 kacw. 1-9, akabokisi aha rup. 76, 78
□ Eishomero ry’Obuheereza:
Okushoma Baibuli: Abaleevi 17-20
Na. 1: Abaleevi 19:1-18
Na. 2: Twena Tukaba Turiho omu Butuuro bw’Emyoyo Tutakazairwe nk’Abantu? (rs rup. 161 kacw. 2–rup. 162 kacw. 3)
Na. 3: Otarihinduka Omushuma! (lr eshu. 24)
□ Oruteerane rw’Obuheereza:
Dak. 5: Ebirango.
Dak. 5: Buuza omwe nari babiri aha bareeberezi nari abaheereza omu kibiina. Niki ekyabahigire kuhika aha kuba abareeberezi nari abaheereza? (1 Tim. 3:1-9) Ni buhwezi ki nari kuhigwa ki oku baatungire kuruga aha bandi? Ni migisha ki ei batungire?
Dak. 25: “Oyetebeekanisiize Ekiihuro ky’eby’Omwoyo?” N’eky’okwebemberwa omuhandiiki w’ekibiina. Gamba oruteerane oruhango orw’ebiro bishatu oru ekibiina kyanyu kiraazemu. Mweijutsye eby’omu kabokisi “Eby’Okweijutsya Ebirikukwata aha Ruteerane orw’Ebiro Bishatu.” Mwahika aha kacweka 7, mweijutsye ebiri omu baruha n’omu katabo Organized aha rupapura 138 akacweka 2 na 3, obu emisingye erikukwata n’aha njwara ey’abarikwija omu oruteerane oruhango.