Ebirango
◼ Ebitabo ebi turaagabe omuri Gyuni: Akatabo Niki Eki Baibuli Buzima Erikwegyesa? Abaraabe baatungire akatabo aka, nibabaasa kuheebwa akatabo Ramya Ruhanga Omwe Ow’Amazima, Okumanya Okurikwebembera Okuhitsya Omu Magara Agatahwaho, nari Ruhanga Naatwenza Ki? Gyuraayi na Agusto: Ababuurizi nibabaasa kucwamu kukoresa kamwe aha butabo obu obw’empapura 32 oburiho omu kibiina kyanyu: A Book for All People, A Satisfying Life—How to Attain It, Does God Really Care About Us?, Shemerererwa Amagara Omunsi Ebiro Byona!, Mugume Nimureeba!, “Look! I Am Making All Things New,” Our Problems—Who Will Help Us Solve Them?, Should You Believe in the Trinity?, Emyoyo y’Abafu—Neebaasa Kukuhwera Nari Okukusaasa? Kwonka Shi Buzima Ebaho?, The Divine Name That Will Endure Forever, The Government That Will Bring Paradise, Oruguuto orw’Amagara Agatahwaho—Waruzoire?, What Happens to Us When We Die?, What Is the Purpose of Life—How Can You Find It?, When Someone You Love Dies, Will There Ever Be a World Without War?, n’obutabo bwona oburiho omu ndimi ezindi. Sebutemba: Niki Eki Baibuli Buzima Erikwegyesa? Ku kirabaasike, ababuurizi bateereho kutandika kwegyesa abantu Baibuli omu katabo aka baaba nibababuurira aha murundi gw’okubanza. Orikworeka ou orikubuurira oku arikubaasa kwega Baibuli, omu ky’okureeberaho kigufu, mworekye oku arikubaasa kugasirwa omu katabo ako.
◼ Nihaija kubaho kampeyini y’okweta abantu kwija omu nteerane empango ez’ebiro bishatu hamwe n’enteerane empango ez’ensi yoona eza 2009 eziraabeho omu nsi yoona. Ababuurizi nibaija kutunga omugisha gw’okugaba akapapura k’omutaano k’okweta abantu omu kicweka eki barikubuuriramu. Neija kutandika esaabiiti ishatu oruteerane oruhango oru ekibiina kyanyu kiraazemu rutakabaireho.
◼ Zaabaagi niziija kuheebwa ababuurizi boona kurabira omu bibiina. Abeesirwe aha nteerane empango ez’ensi yoona nibaija kukoresa zaabaagi nizo zimwe.
◼ Entebeekanisa y’oruteerane rw’ekibiina eya saabiiti arakuratiire eraabemu Oruteerane Oruhango orwine omutwe “Mugume Nimureeba!” neebaasa kuhindurwamu kugira ngu mweijutsye obuhabuzi oburikukwata aha kuza omu ruteerane orwo. Omu Ruteerane rw’Obuheereza orurikuheererukayo tutakagiire omu ruteerane oruhango, nihaija kubaho okweijutsya ebimwe ebirikwetengyesa. Bwanyima y’okwezi kumwe nari abiri oruteerane ruhweire, obwire obumwe obw’ekicweka ky’ebyetengo by’ekibiina nibubaasa kukoresiibwa okweijutsya enshonga nkuru ez’oruteerane oruhango ezi ababuurizi bashangire zirikuhwera omu kubuurira.
◼ Waakora entebeekanisa kutaayaaya omu ihanga eritari omuri ago agari omu ripoota y’omwaka gwona nari eri endagiriro yaaryo etari mu yearbook ensya, nyabura ’we hikiirira ofiisi y’itaagi ey’eihanga ryawe kubaasa kutunga obuhabuzi aha bikwatiraine n’ebi oraayetantare nari ebi oraakuratire. Noobaasa kushanga omurimo gw’okubuurira omu ihanga eryo gurikuzibirwa. (Mat. 10:16) Omu mahanga agamwe nikibaasa kuba kitari ky’obwengye okubuuza omubuurizi nari ekibiina omu ihanga eryo aha bikwatiraine n’okutaayaayayo. Obuhabuzi obumwe nibubaasa kukuheebwa aha bikwatiraine n’okubuurira kitaraariire nari okugyenda n’ebitabo by’okubuurira. Waagyendera aha buhabuzi obuhairwe, nikyija kukuhwera kutatunga oburemeezi iwe nk’omuntu nari kuremesa omurimo gw’okubuurira. 1 Kor. 14:33, 40.