Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Desemba 29, 2008. Orikwebembera eishomero naija kukoresa edakiika 20 okuraba omu byayegirwe kuruga Novemba 3 kuhika Desemba 29, 2008.

EMIRINGO MIRUNGI EY’OKUGAMBAMU

1. Ahabw’enki okwehanangiriza omuntu ‘na rukundo’ kirikubaasa kurugamu ebirungi? (Film. 9) [be rup. 266 kacw. 1-3]

2. Nitubaasa kureetera tuta abandi kugira obumanzi? [be rup. 268 kacw. 4–rup. 269 kacw. 2]

ORUBAZO NA. 1

3. Ebaruha ei Paulo yaahandiikiire Tito ni ‘nungi mu muringo ki, kandi neetugasira’ eta omu bunaku obu? (Tito 3:8) [si rup. 241 kacw. 8]

4. Ahabw’enki ebaruha ya Petero ey’okubanza yaabaire neeyetengwa omu bwire obu yaagihandiikiiremu? [si rup. 251 kacw. 1]

5. Obumanyiso oburi omu kitabo kya Okushuuruurwa bushemereire kutukwataho buta? [si rup. 263 kacw. 1]

OKUSHOMA BAIBULI OKWA BURI SAABIITI

6. Ni nshonga ki eyaakuba yaareetaire Paulo okukwatanisa ‘okutabeiherera bandi n’okutaba abahuuku b’ebirikusinza’ ahari Tito 2:3? [w94 6/15 rup. 20 kacw. 12]

7. Okugira ngu Sitaane ‘aine amaani g’okwita’ nikyoreka ngu shi naabaasa kwita buri omwe ou araayende kwita? (Heb. 2:14) [w08 10/15 “Ekigambo kya Yehova Kiine Amagara​—Ebikuru Kuruga omu Baruha Ezaahandikiirwe Tito, Filemooni na Abaheburaayo”]

8. Ni “rurembo” ki oru Abrahamu yaabaire ategyereize? (Heb. 11:10, 13-16) [w08 10/15 “Ekigambo kya Yehova Kiine Amagara​—Ebikuru Kuruga omu Baruha Ezaahandikiirwe Tito, Filemooni na Abaheburaayo”]

9. Okuba ow’obusingye nikimanyisa ki, kandi ni bibuuzo ki ebi turikubaasa kwebuuza aha nshonga egi? (Yak. 3:17) [w08 3/15 rup. 24 kacw. 18]

10. Ebigambo “Ruhanga ni mukuru okukira emitima yaitu” nibimanyisa ki? (1 Yoh. 3:20) [w05 8/1 rup. 30 kacw. 19]