Entebeekanisa Y’enteerane Z’obuheereza

Saabiiti Erikutandika Novemba 10

Ekyeshongoro 28

Dak. 10: Ebirango by’ekibiina. Gamba ebirikuruga aha mureeberezi orikukora aha by’obuheereza ebirikukwata aha ku ekibiina kyanyu kigabire kaaturakiti Nooyenda Kumanya Amazima? Obu ababuurizi baingi batwire nibagaba Watchtower eya Okitoba 1 hamwe na Awake! eya Okitoba, shaba abakuhurikiize kugamba aha birungi ebirugiremu omu kuzigaba.

Dak. 15: Gira Omutima gw’Okugaba Hamwe na Rukundo. Orubazo kuheebwa omureeberezi kuruga omu Watchtower eya Novemba 15, 2008, orupapura 6-7. Watchtower egyo yaaba etakaizire, ha orubazo kuruga omu Watchtower eya Novemba 1, 2007, orupapura 17-21.

Dak. 20: “Twine eby’Eitungo eby’Okubagana n’Abandi.”a Mwaba nimuhanuura aha kacweka 2, shaba abakuhurikiize kugamba aha mazima g’omu Baibuli agabareetaire kwija omu kibiina kya Yehova nari agu beetegyereize gye bwanyima y’okubatizibwa.

Ekyeshongoro 4

Saabiiti Erikutandika Novemba 17

Ekyeshongoro 7

Dak. 10: Ebirango by’ekibiina. Ebirango ebimwe kuruga omu Obuheereza Bwaitu obw’Obukama.

Dak. 15: Akabokisi k’Ebibuuzo.b

Dak. 20: “Noobaasa Kuba Omwegyesa!”c Buuza omubuurizi nari payoniya owaabaire naatiina ngu tarikubaasa kwegyesa omuntu Baibuli. Akeesiga Yehova ata kumuhwera? Ni mu miringo ki ei ekibiina kimuhwereiremu okubaasa kutandika kwegyesa omuntu Baibuli? Ni birungi ki ebi atungire omu kwejumba omu murimo gw’okwegyesa abantu Baibuli?

Ekyeshongoro 16

Saabiiti Erikutandika Novemba 24

Ekyeshongoro 14

Dak. 10: Ebirango by’ekibiina. Shoma ripoota ey’eby’empiiha z’ekibiina n’ebaruha erikworeka ngu ezaayohereziibwe aha ofiisi y’eitaagi zikahikayo. Gamba ebitabo by’okugaba omu Desemba, kandi mugire eky’okureeberaho kimwe nari bibiri kworeka oku birikubaasa kugabwa.

Dak. 20: Ebyetengo by’ekibiina.

Dak. 15: Tebeekanisa Kugaba Watchtower eya Novemba na Awake! eya Novemba. Omu bugufu gamba aha biri omuri zaamagaziini ezi kandi shaba abakuhurikiize kugamba aha birikubaasa kushemeza abantu omu kicweka eki murikubuuriramu. Ni bibuuzo ki nari byahandiikirwe ki ebirikubaasa kukoresibwa okwanjura emitwe egyo? Yoreka oku enyanjura kuruga omu Obuheereza Bwaitu obw’Obukama erikubaasa kukoresibwa. Omu bugufu, omwe aha bareeberezi ayorekye enyanjura ei atebeekaniise arikwihirira aha bizirimu erikubaasa kukora gye omu kicweka eki murikubuuriramu.

Ekyeshongoro 22

Saabiiti Erikutandika Desemba 1

Ekyeshongoro 11

Dak. 10: Ebirango by’ekibiina. Amakuru g’ebya Siyokurasi. Yijutsya ababuurizi kuhayo ripoota z’okubuurira eza Okitoba.

Dak. 15: Eby’okureeberaho kuruga omu kicweka kyanyu. Manyisa ekibiina kyanyu emyanya ei mwagabiremu kaaturakiti Nooyenda Kumanya Amazima? Shaba abakuhurikiize kugamba aha birungi ebyarugire omu kugaba kaaturakiti nari obu baabaire nibakakoresa okutandika kwegyesa omuntu Baibuli. Kandi gamba eby’okureeberaho ebirungi ebi batungire omu kugaba akatabo Eki Baibuli Erikwegyesa omuri Novemba. Omu ky’okureeberaho kimwe nari bibiri nibabaasa kworeka nk’oku kyabaireho.

Dak. 20: “Tebeekanisa Abasya Kugumisiriza Baahakanisibwa.”d Mwaba nimuhanuura aha kacweka 2, omu bugufu yoreka oku ebiri omu katabo Reasoning ahansi y’omutwe “Abajurizi ba Yehova” birikubaasa kuhwera abeegi ba Baibuli kugarukamu ebibuuzo ebi abanyabuzaare nari abanywani barikubabuuza.

Ekyeshongoro 28

[Obugambo obw’Ahansi]