Entebeekanisa Y’enteerane Z’obuheereza

Saabiiti Erikutandika Gyuraayi 14

Ekyeshongoro 10

Dak. 10: Ebirango by’ekibiina. Orikukoresa enyanjura eziri aha rupapura 4 nari ezindi ezirikukora gye omu kicweka eki murikubuuriramu, yoreka oku turikubaasa kugaba Watchtower eya Gyuni 1 na Awake! eya Gyuni.

Dak. 15: ‘Noogambisa Obumanzi’? Orubazo kuruga omuri Watchtower eya Mei 15, 2006, aha rupapura 13-16. Yoreka omugasho gw’okubuurira n’obumanzi.

Dak. 20: “Guma Noijuka Eizooba rya Yehova.”a Gamba aha bintu birungi ebiri omu katabo aka. Raba omu biri omu ntebeekanisa y’okushoma akatabo aka hamwe n’eby’okugyenderaho ebiri omu kapapura ka Obuheereza Bwaitu obw’Obukama aka, aha rupapura 3. Higa boona kuguma nibaija omu ruteerane rw’okwega akatabo aka kandi bagire eki baagarukamu. Omu bigufu, buuza omwe nari babiri abarikumanywa ahabw’okwetebeekanisiza gye enteerane, kandi babuuze n’ekirikubahiga kuzetebeekanisiza.

Ekyeshongoro 8

Saabiiti Erikutandika Gyuraayi 21

Ekyeshongoro 1

Dak. 10: Ebirango by’ekibiina. Ebirango ebimwe kuruga omu Obuheereza Bwaitu obw’Obukama. Yijutsya abakuhurikiize kwija na Watchtower eya Gyuraayi 1 hamwe na Awake! eya Gyuraayi omu ruteerane rw’obuheereza oruraakurateho kandi betebeekaniise kugamba enyanjura ezirikukora gye omu kicweka kyanyu.

Dak. 15: Ebyetengo by’ekibiina.

Dak. 20: “Okwetebeekanisa​—Ni Kikuru Twaba Nitugarukayo aha Barikwenda Kumanya Ebirikukiraho.”b Omu dakiika ina omubuurizi ahe eky’okureeberaho arikugamba wenka kworeka oku arikwetebeekanisa kugarukayo ahari abo abaayorekire ngu nibenda kumanya ebirikukiraho. Ashwijume ebihandiiko bye kandi acwemu kugarukayo aha bantu babiri omu wiikenda. Bwanyima agarukyeyo kugaaniira n’abantu babiri aha bi baabaire baagaaniireho, amanye ekigyendererwa kye kandi atebeekanise kukihikiiriza. Atebeekanise kutandika kwegyesa omwe aharibo Baibuli. Atebeekanise kureetera ondiijo kukunda ebi barikugaaniiraho arikukoresa obuhabuzi oburi omu kacweka 5.

Ekyeshongoro 23

Saabiiti Erikutandika Gyuraayi 28

Ekyeshongoro 2

Dak. 10: Ebirango by’ekibiina. Yijutsya ababuurizi okuhayo ripoota z’okubuurira eza Gyuraayi. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo. Gamba ebitabo ebi turaagabe omuri Agusto, kandi omu ky’okureeberaho kimwe yoreka oku biraagabwe.

Dak. 15: Okuguma Nitumanya Obukuru bw’Obwire obu Turimu. Orubazo kuruga omuri Watchtower eya Desemba 15, 2006, aha rupapura 18-19, akacweka 17-21.

Dak. 20: Tebeekanisa Kugaba Zaamagaziini Ensya. Okuhikaanisa ebiteekateeko n’abakuhurikiize. Bwanyima y’okugamba omu bigufu aha biri omuri Watchtower eya Gyuraayi 1 na Awake! eya Gyuraayi, buuza abakuhurikiize kugamba bimwe aha bizirimu ebirikubaasa kushemeza abantu omu kicweka eki murikubuuriramu hamwe n’enshonga ahabw’enki. Shaba abakuhurikiize kworeka zimwe aha nshonga ezirimu ezi barikuteekateeka kukoresa. Ni kibuuzo ki eki barikubaasa kubuuza omuntu okutandika kugaaniira nawe? Ni kyahandiikirwe ki ekirikubaasa kumushomerwa? Orikukoresa enyanjura eziri omu Obuheereza Bwaitu obw’Obukama nari ebi abakuhurikiize baagamba, yoreka oku buri magaziini erikubaasa kugabwa.

Ekyeshongoro 4

Saabiiti Eritandika Agusto 4

Ekyeshongoro 29

Dak. 10: Ebirango by’ekibiina n’Amakuru g’Ebya Siyokurasi.

Dak. 15: Abaana Baawe Betebeekanisiize Oburemeezi obu Barikubugana aha Ishomero nk’Abakristaayo? Orubazo n’okuhikaanisa ebiteekateeko n’abakuhurikiize. Yoreka oburemeezi obumwe obu Abakristaayo eminyeeto barikubugana aha ishomero. Shoboorora oku abazaire hamwe n’abaana baabo barikubaasa kukoresa Watch Tower Publications Index kutunga ebirikubaasa kubahwera. Ha eby’okureeberaho bimwe. (Reeba omutwe omuhango “Amashomero,” omutwe omukye “eby’okureeberaho.”) Shaba bamwe aha bakuhurikiize abakuriire omu maka Amakristaayo kugamba aha ku abazaire baabo baabatebeekaniise kubugana oburemeezi n’oku baagyendeire aha misingye ya Baibuli bari ah’ishomero. Nibabaasa n’okugamba aha bi baahandiikire bari ah’ishomero barikwihirira ahari ebyo ebi baashomire omuri Awake! Babuuze bashoboorore oku okubuurira ah’ishomero kubarinzire.

Dak. 20: “Nitushenyagura Ebigo.”c Shaba abakuhurikiize kugamba aha ku abeegyesa baabo ba Baibuli n’okugumisiriza baabahwereire kureka enyikiriza z’ebishuba.

Ekyeshongoro 12

[Obugambo obw’Ahansi]