Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Gyuni 30, 2008. Orikwebembera eishomero naija kukoresa edakiika 30 kuraba omu byayegirwe kuruga Mei 5 kuhika Gyuni 30, 2008. [Yetegyereze ngu ahu bataayoreka ah’okwiha eby’okugarukamu ekibuuzo, nikiza kukwetengyesa kubyesherurira.​—Reeba ekitabo Ministry School, rup. 36-7.]

EMIRINGO MIRUNGI EY’OKUGAMBAMU

1. Nitubaasa kukora ki okuhamya ngu eby’okureeberaho ebi turikukoresa byayetegyerezibwa? [be rup. 242 kacw. 3–rup. 243 kacw. 1]

2. Ahabw’enki okukoresa eby’okureeberaho ebyorobi ebi abantu barikumanya birikwegyesa gye? [be rup. 245 kacw. 2-4]

3. Okukoresa ebintu ebirikureebwa ni kikuru kita omu kwegyesa, kandi Yehova akabikoresa ata okwegyesa abantu enshonga nkuru? (Kut. 15:5; Yer. 18:6; Yona 4:10, 11) [be rup. 247 kacw. 1-2]

4. Nitubaasa kukoresa tuta ebintu ebirikureebwa okwongyera kwegyesa gye? [be rup. 248 kacw. 1-3]

5. Nitubaasa kukoresa gye tuta zaamaapu twaba nitwegyesa abantu Baibuli? [be rup. 248 kacw. 4]

ORUBAZO NO. 1

6. Okwega Baibuli turikuhwerwa omwoyo gurikwera gwa Ruhanga nikwija kutuhwera kwetegyereza ki? [be rup. 32 kacw. 3-4]

7. Nitubaasa kukoresa tuta Baibuli yo yonka okusherura amakuru g’ekyahandiikirwe? [be rup. 34 kacw. 4-rup. 35 kacw. 2]

8. Engiri ya Yohaana neshoboorora eta aha ku Yehova arikukoresa Yesu okuhitsya aha bantu emigisha? [si rup. 198 kacw. 32]

9. Ni nshonga ki ey’omu Byahandiikirwe erikutureetera kugira ngu omushaho Luka niwe yaahandikire ekitabo kya Ebyakozirwe? [si rup. 199 kacw. 3; rup. 200 kacw. 5-7]

10. Okutwarira hamwe, omuntu ashemereire kutebeekanisa ata enshonga nkuru ez’orubazo? [be rup. 39-41]

OKUSHOMA BAIBULI OKWA BURI SAABITI

11. Ni hekalu ki ‘eyaamazire emyaka makumi ana na mukaaga neeyombekwa’? (Yoh. 2:20) [w08 4/15 “Ekigambo kya Yehova Kiine Amagara​—Ebikuru Kuruga omu Kitabo kya Yohaana”]

12. Abo ‘abarikuruga omu kufa, bakataaha omu magara’ ni baahi? (Yoh. 5:24, 25) [w08 4/15 “Ekigambo kya Yehova Kiine Amagara​—Ebikuru Kuruga omu Kitabo kya Yohaana”]

13. Yesu akaba naaza ‘kutebeekanisiza ata abeegi be abeesigwa omwanya’ omu iguru? (Yoh. 14:2) [w08 4/15 “Ekigambo kya Yehova Kiine Amagara​—Ebikuru Kuruga omu Kitabo kya Yohaana”]

14. Ahabw’enki Yesu yaagambiire Mariamu Magadaleene okureka kumuremeraho? (Yoh. 20:17) [w08 4/15 ‘Ekigambo kya Yehova kiine Amagara​—Ebikuru Kuruga omu Kitabo kya Yohaana’]

15. Yesu okugaruka “nk’oku” yaatembire omu iguru nikimanyisa ki? (Byak. 1:9-11) [rs rup. 342 kacw. 4; it-1 rup. 186 kacw. 8]