Entebeekanisa Y’enteerane Z’obuheereza

Saabiiti Erikutandika Okitoba 8

Ekyeshongoro 8

Dak. 10: Ebirango by’ekibiina. Orikukoresa enyanjura eziri aha rupapura 8 nari ezindi ezirikukora omu kicweka eki murikubuuriramu, yoreka oku twakugaba Watchtower na Awake!. Omuri buri ky’okureeberaho, magaziini ezi zombi zishemereire kugabwa kumwe, n’obu emwe eraabe niyo eraayanjurwe.

Dak. 20: Guma Haihi n’Ekibiina kya Yehova. Okuhikaanisa ebiteekateeko n’abakuhurikiize aha biri omu shuura 17 ey’akatabo Organized to Do Jehovah’s Will.

Dak. 15: Ebyetaago by’ekibiina.

Ekyeshongoro 25.

Saabiiti Erikutandika Okitoba 15

Ekyeshongoro 21

Dak. 10: Ebirango by’ekibiina. Ebirango ebimwe kuruga omu Obuheereza Bwaitu Obw’Obukama.

Dak. 20: Amazima Nigaana Ebyana Omuri Abo Abu Orikwegyesa? Okuhikaanisa ebiteekateeko n’abakuhurikiize aha biri omuri Watchtower eya Febwari 1, 2005, orupapura 28-30. Gamba n’aha ku ebibuuzo ebiri omu katabo Eki Baibuli Erikwegyesa bitebeekanisiibwe kutuhwera kumanya ekiri omu mutima gw’omwegi. Gamba aha by’okureeberaho ebimwe nk’ekiri omu eshuura 1, akacweka 19; eshuura 2, akacweka 4; eshuura 3, akacweka 24; na eshuura 4, akacweka 18. Higa ababuurizi kukoresa gye byona ebiri omu katabo ako.

Dak. 15: Noijuka? Okuhikaanisa ebiteekateeko n’abakuhurikiize aha biri omuri Watchtower, eya Agusto 15, 2007, orupapura 19.

Ekyeshongoro 5.

Saabiiti Erikutandika Okitoba 22

Ekyeshongoro 16

Dak. 10: Ebirango by’ekibiina. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo. Orikukoresa enyanjura eziri aha rupapura 8 nari ezindi ezirikukora ei murikubuurira, yoreka oku twakubaasa kugaba Watchtower eya Novemba 1 na Awake!

Dak. 15: “Awake! ey’Omutaano Kugabwa Omuri Novemba!”a Omu bigufu, raba omu biri omuri Awake! eya Novemba. Ku oraaheze muhanuure aha kicweka eki. Ku muraabe nimuhanuura aha kacweka 3, yoreka oku twakugaba Awake! eya Novemba orikukoresa enyanjura egi: “Ira, abantu bakaba bakira kusherura obuhabuzi omu Baibuli. Kwonka hati baingi nibagibanganisaho. Iwe nooteekateeka ki? [Muhe akaanya agarukyemu reero omushomere 2 Timoseo 3:16.] Awake! egi ey’omutaano neeha obuhame ngu Baibuli ekahandiikwa Ruhanga.” Otakahendeire, yoreka ou orikubuurira eki murikwija kugaaniiraho ku oraagarukye.

Dak. 20: Mugume Nimugyenda nk’Abaana b’Omushana. Orubazo n’Okubuuza. Tukaruga omu mwirima gw’ensi egi kandi tukacwamu kwebemberwa omushana gwa Yehova. (Enf. 5:8, 9) Eki kireetaire amagara gaitu kuba marungi, kirikutuha ekigyendererwa. (1 Tim. 4:8) Omushana ogu nigutuha n’amatsiko. (Rom. 15:4) Buuza ababuurizi babiri nari bashatu abaatungire oburemeezi bw’amaani kandi bakabusingura okubaasa kugira omukago murungi na Yehova n’okuguma bagwine. Ni buremeezi ki obu baatungire obu baabaire nibeega amazima? Bakabusingura bata? Amagara gaabo hati ni marungi mu muringo ki? N’enki ekirikubahwera kuguma bahamiire omu maziima? Hendera orikuhiga boona okwongyera kuhamya omukago gwabo na Yehova n’okworeka ngu nibasiima amazima agu Yehova aboorekire.​—2 Pet. 1:5-8.

Ekyeshongoro 22.

Saabiiti Erikutandika Okitoba 29

Ekyeshongoro 11

Dak. 10: Ebirango by’ekibiina. Yijutsya ababuurizi okuhayo ripoota z’okubuurira eza Okitoba. Bamanyise ebitabo ebi turaagabe omuri Novemba, omu ky’okureeberaho kimwe, yoreka oku barikubaasa kubigaba.

Dak. 15: Taho Ebigyendererwa by’Omwoyo Eby’okuhimbisa Omuhangi Waawe. Okuhikaanisa ebiteekateeko n’abakuhurikiize aha biri omuri Watchtower eya Gyuraayi 15, 2004, orupapura 21-3. Shaba abakuhurikize kugamba aha bigyendererwa by’omwoyo ebi bateireho n’eki bariyo nibakora okubihikiriza. Noobaasa kugambira omuntu omwe nari babiri bukiri kare kwetebeekanisa kugamba ahari eki.

Dak. 20: “Hwera Abooro Kugira Amatsiko.”b Ku muraabe nimuhanuura aha kacweka ka 2, gamba n’aha biri omuri Awake!, eya Sebutemba 8, 2003, orupapura 26-7.

Ekyeshongoro 26.

Saabiiti Erikutandika Novemba 5

Ekyeshongoro 14

Dak. 10: Ebirango by’ekibiina n’Amakuru g’Ebya Siyokurasi.

Dak. 15: Oku Orikubaasa Kurinda Abaana Baawe Orikukoresa Obwengye bwa Ruhanga. Orubazo kuruga omuri Watchtower eya Jenwari 1, 2005, orupapura 23-7.

Dak. 20: “Okugumyana.”c Shaba abakuhurikiize okugamba aha ku omureeberezi orikutaayaayira ebibiina yaabagarwiremu amaani obu yaabaire ataayaayiire ekibiina kyabo. Noobaasa kugambira omuntu omwe nari babiri bukiri kare kwetebeekanisa kugamba ahari eki.

Ekyeshongoro 28.

[Obugambo obw’Ahansi]