Entebeekanisa Y’enteerane Z’obuheereza

Saabiiti Erikutandika Sebutemba 10

Ekyeshongoro 1

Dak. 10: Ebirango by’ekibiina. Orikukoresa enyanjura eziri aha rupapura 4 nari ezindi ezirikukora omu kicweka eki murikubuuriramu, yoreka oku twakugaba Watchtower eya Agusto 15 na Awake! eya Agusto. Omuri buri ky’okureeberaho, magaziini ezi zombi zishemereire kugabwa kumwe, n’obu haraayanjurwe emwe.

Dak. 15: Akabokisi k’Ebibuuzo. Okuhikaanisa ebiteekateeko n’abahurikiize okuraayebemberwe omureeberezi. Obwire ku buraakubaasise, shoma kandi ogambe aha byahandiikirwe ebyayorekwa.

Dak. 20: “Kuratira eky’Okureeberaho Ekyatairweho Yesu.”a Shaba abakuhurikiize kugamba aha ku eby’okureeberaho birungi eby’abandi bibagasiire.

Ekyeshongoro 22 n’eshaara erikuhendera.

Saabiiti Erikutandika Sebutemba 17

Ekyeshongoro 7

Dak. 10: Ebirango by’ekibiina n’Amakuru g’Ebya Siyokurasi.

Dak. 15: Tukakora Tuta omu Mwaka Oguhweire? Omureeberezi w’obuheereza arabe omu byakozirwe omu mwaka gw’obuheereza oguhweire, arikugamba aha birungi ebyakozirwe omu kubuurira. Basiimire ebi baakozire. Gamba aha kintu kimwe nari bibiri ebishemereire kwongyerwamu amaani omu mwaka gw’obuheereza omusya. Gamba aha kubuurira kwa baapayoniya, obasiime ahabw’omurimo murungi ogu baakozire. Gamba n’aha birungi ebirugire omu kuteeraho kuhwera abagarukire enyima omu by’omwoyo.

Dak. 20: Ab’Eishe-emwe Abaine Obumwe. Orubazo n’okuhikaanisa ebiteekateeko n’abakuhurikiize aha biri omu shuura 16 ey’akatabo Organized to Do Jehovah’s Will.

Ekyeshongoro 4 n’eshaara erikuhendera.

Saabiiti Erikutandika Sebutemba 24

Ekyeshongoro 18

Dak. 10: Ebirango by’ekibiina. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo.

Dak. 15: Ebyetaago by’ekibiina.

Dak. 25: Koresa Turakiti Okumanya Baibuli Okutandika Kwegyesa Abantu Baibuli Omuri Okitoba. Omuri Okitoba, nituza kugaba Watchtower na Awake! Nitubaasa kukoresa turakiti Okumanya Baibuli okutandika kwegyesa Baibuli abaraabe nibenda kumanya ebirikukiraho. Abaheereza ku baraaheze kuheereza buri omwe ka turakiti aka, kagambeho omu bigufu. Shoboorora ngu nitubaasa kushoma ka turakiti aka koona nari ekicweka kyako n’ou turaashange omu ka aha murundi gw’okubanza nari waagarukayo. Orikukoresa enyanjura eziri aha rupapura 4 nari ezindi ezirikukora omu kicweka eki murikubuuriramu, yoreka oku twakugaba zaamagaziini ensya. Omu ky’okureeberaho ekimwe, ou omubuurizi yaashanga omu ka naayanga zaamagaziini, atyo amutsigira turakiti. Omu ky’okureeberaho ekindi, ou baashanga omu ka ku arikuheza kwikiriza zaamagaziini, omubuurizi amuha ka turakiti, bahanuura aha biri aha rupapura 5, amworeka akacweka akariho ekishushani ky’akatabo Eki Baibuli Erikwegyesa ekiri aha rupapura 6, kandi amuragaanisa ngu naaza kugaruka, aije n’akatabo ako.

Ekyeshongoro 29 n’eshaara erikuhendera.

Saabiiti Erikutandika Okitoba 1

Ekyeshongoro 21

Dak. 10: Ebirango by’ekibiina. Ebirango ebimwe kuruga omu Obuheereza Bwaitu obw’Obukama. Yijutsya ababuurizi okuhayo ripoota z’okubuurira eza Sebutemba.

Dak. 15: Ebaruha Kuruga aha Ofiisi y’Eitaagi. Okuhikaanisa ebiteekateeko n’abahurikiize aha biri omu baruha eri aha rupapura rw’okubanza orwa Obuheereza Bwaitu obw’Obukama aka. Shaba abakuhurikiize okugamba aha birugire omuri kampeyini ey’okweta abantu kwija omu Ruteerane Oruhango orwine omutwe “Kuratira Kristo.”

Dak. 20: “Okwongyera aha Buheereza Bwaitu.”b Buuza ab’eishe-emwe na banyaanyaitwe abarikuteeraho kwongyera aha buheereza bwabo, bashabe bagambe oku barikuteeraho kwongyera aha buheereza bwabo. Noobaasa kugambira omuntu omwe nari babiri bukiri kare kwetebeekanisa kugamba ahari eki.

Ekyeshongoro 3 n’eshaara erikuhendera.

[Obugambo obw’Ahansi]