Entebeekanisa Y’enteerane Z’obuheereza
Yetegyereze: Obuheereza Bwaitu obw’Obukama nikaija kubamu entebeekanisa y’Oruteerane rw’Obuheereza orwa buri saabiiti n’omu meezi agaraabemu oruteerane oruhango. Ebibiina nibibaasa kukora entebeekanisa ezirikwetengyesa okubaasa kubaho omu Ruteerane Oruhango orwine omutwe “Kuratira Kristo!” Kyaba nikyetengyesa, koresa edakiika 15 ez’Oruteerane rw’Obuheereza orurikuhererukayo, oruteerane oruhango rutakahikire kweijutsya obuhabuzi oburikukwata aha kibiina kyanyu oburi omu kapapura k’omunda ak’okwezi oku. Okwezi kumwe nari abiri murugire omu ruteerane rwanyu oruhango, koresa edakiika 15 nari 20 omu Ruteerane rw’Obuheereza (obundi orikukoresa obwire bw’ebyetaago by’ekibiina) okweijutsya ebi mwayegire omu ruteerane oruhango ebi ababuurizi bashangire ngu nibibahwera omu buheereza. Okweijutsya oku kushemereire kwebemberwa omureeberezi w’obuheereza. Shaba abakuhurikiize kugamba aha ku barikuta omu nkora ebi baayegire nari oku barikuteekateeka kubikoresa omu kubuurira.
Saabiiti Erikutandika Apuri 9
Ekyeshongoro 10
Dak. 10: Ebirango by’ekibiina. Higa buri omwe okureeba omuzaano oguri ahari DVD erikwetwa Young People Ask—What Will I Do With My Life? omu kwetebeekanisiza Oruteerane rw’Obuheereza orw’esaabiiti erikwija. Gamba aha kabokisi “Main Menu,” kandi shoboorora oku baakubaasa kukakoresa omu kureeba ebiri aha DVD egyo. Abataine DVD batebeekanise ebiri ahansi y’omutwe “Obusinguzi omu Magara Nobureebera Ahari Ki?” kuruga omuri Watchtower eya Novemba 1, 2000 aha rupapura 18-21. Orikukoresa enyanjura eziri aha rupapura 8 nari ezindi ezirikukora omu kicweka eki murikubuuriramu yoreka oku twakubaasa kugaba Watchtower eya Maaci 15 na Awake! eya Maaci. Omu ky’okureeberaho ekimwe omubuurizi abuuze ekibuuzo eki araije kugarukamu ku araagarukeyo.
Dak. 15: “Twena Nitubaasa Kugira Eki Twakora omu Kuhindura Abantu Abeegi.”a Ku muraabe nimuhanuura aha kacweka 4 shaba abakuhurikiize bagambe aha ku ekibiina kyabahwereire batakabatiziibwe. Noobaasa kugambira omuntu omwe nari babiri bukiri kare kwetebeekanisa kugamba ahari eki.
Dak. 20: “Oku Twakutandika Kushomesa Baibuli Abu Turaagabire Zaamagaziini.”b Orikukoresa emwe aha nyanjura eziri omu kacweka 2 omu bigufu yoreka oku kirikubaasa kukorwa. Yijutsya ababuurizi ngu nibooreka ahari ripoota ngu omuntu naayega Baibuli baahitsya emirundi ebiri barikumwegyesa okuruga obu baamworeka entebeekanisa y’okugyega kandi baaba nibateekateeka ngu buzima naaza kugumizamu naayega.
Ekyeshongoro 4 n’eshaara erikuhendera.
Sabiiti Erikutandika Apuri 16
Ekyeshongoro 18
Dak. 10: Ebirango by’ekibiina. Ebirango Ebimwe kuruga omu Obuheereza Bwaitu obw’Obukama. Amakuru g’Ebya Siyokurasi.
Dak. 15: “Gamba Ekigambo kya Ruhanga Otaine Bwoba.”c Obwire ku burakubaasise shaba abakuhurikiize okugamba aha byahandiikirwe ebyorekirwe.
Dak. 20: Okuhanuura aha ebiri ahansi y’omutwe “Obusinguzi omu Magara Nobureebera Ahari Ki?” kuruga omuri Watchtower eya Novemba 1, 2000 aha rupapura 18-21. Ei baine DVD okuhanuura kushemereire kwegama aha “Noija Kukoresa Ki Amagara Gaawe?”—Ekicweka 1.d Ku oraaheze kugamba aha biri omu kacweka 1 na 2 omu bigufu hikaanisa ebiteekateeko n’abakuhurikiize orikukoresa ebibuuzo ebiri omu kacweka 3 na 4. Ku oraabe noogamba aha kibuuzo 4 omu kacweka 3 shoma ebyahandiikirwe ebyo byombi. Omu kuhendera mweijutsye ebiri omu kabokisi “Main Menu.” Higa boona okureeba ebiri omu bicweka “Abarikubuuzibwa” na “Ebyongyeirwemu” ebiri ahari DVD omu kweteekateekyera Oruteerane rw’Obuheereza orw’esaabiiti erikwija.
Ekyeshongoro 13 n’eshaara erikuhendera.
Sabiiti Erikutandika Apuri 23
Ekyeshongoro 24
Dak. 10: Ebirango by’ekibiina. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo. Orikukoresa enyanjura eziri aha rupapura 8 nari ezindi ezirikukora ei murikubuurira yoreka oku twakubaasa kugaba Watchtower eya Apuri 1 na Awake! eya Apuri.
Dak. 10: Reeba! Omushana ka ni Murungi! Orubazo kuruga omuri Watchtower eya Maaci 15, 2007 orupapura 12-14.
Dak. 25: Hanuura aha biri ahansi y’omutwe “Eminyeeto Nimwetebeekanisiza Ebiro by’omu Maisho?” kuruga omuri Watchtower eya Mei 1, 2004 orupapura 13-18 nari abaine DVD: “Noija Kukoresa Ki Amagara Gaawe?”—Ekicweka 2.e Tandikiraho kubuuza ekibuuzo aha biri omu kacweka 5-7. Hendera n’okuhiga okuri omu kacweka 8.
Ekyeshongoro 27 n’eshaara erikuhendera.
Sabiiti Erikutandika Apuri 30
Ekyeshongoro 22
Dak. 5: Ebirango by’ekibiina. Yijutsya ababuurizi okuhayo ripoota z’okubuurira eza Apuri.
Dak. 10: Ebyetaago by’ekibiina.
Dak. 30: “Okuhikiiriza Obuheereza Bwaitu obw’Obukama nk’Abajurizi ba Yehova.”f
Ekyeshongoro 12 n’eshaara erikuhendera.
Sabiiti Erikutandika Mei 7
Ekyeshongoro 19
Dak. 10: Ebirango by’ekibiina.
Dak. 15: Entebeekanisa z’Emyanya y’Okuramizamu. Okuhikaanisa ebiteekateeko n’abakuhurikiize aha biri omu shuura 11 ey’akatabo Organised To Do Jehováh’s Will.
Dak. 20: “Abantu Baaba Batari Muka.”g N’eky’okwebemberwa omureeberezi w’obuheereza.
Ekyeshongoro 3 n’eshaara erikuhendera.
[Obugambo obw’Ahansi]
a Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.
b Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.
c Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.
d Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.
e Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.
f Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.
g Ebi oraagambe omu nyanjura bitarenzya edakiika reero bwanyima okuratseho okuhanuura n’abakuhurikiize.