Nga Manaeni​—erikolera Yehova wo abye mwatsi w’omughaso munene omo ngebe yaghu

Manaeni abya mughuma w’oko baghala betu ababya bakasondola endeko ye Antiokia y’oko karne k’erimbere. “Mwakangiriribwa n’omuguvernere ye Herode.” (Mib. 13:1) Neryo Manaeni abya asomire kanene, kandi alinga mwakulira omo kihanda ky’abateke.

Nomo Manaeni anabya asomire kanene kandi ini w’omo kihanda ky’abateke, mwayisogha eribya Mukristo n’eriwatikya endeko. Mwatakolesya akalasi ako asoma kutse eriminywa n’abandu b’obutoki atoke eriminyikala n’abandu bangyi kutse eribya n’esyofranga nene. Omo mwanya w’ekyo, mwakolera abaghala babo.

Eky’erileberyako kya Manaeni kikakanganaya ngoko Yehova ni w’omughaso munene kulenga kw’erisondya eriminyikala kutse eribya n’esyofranga nene. Nga Manaeni, emyatsi y’obunya-kirimu yo yitolere eribya y’omughaso munene omo ngebe yetu omo mwanya w’erikwamirira eribya n’esyofranga nene kutse eriminyikala omo kihugho kino. (Mat. 6:33) Kutya, nomo twangabya itwanzire akalasi, tukayikasa “eriminya emyatsi y’omughaso munene,” kandi tukayikasa eyindi myatsi isiyatukakiraya eriramya Yehova.​—Flp. 1:9, 10.