Omughulu hamahuluka omwatsi w’obulighe

Nomo mwangayikasa muti erihira obutseme omo bunyumba n’ekihanda kyenyu, emyatsi eyo mutateghekanirye yanganabahikira n’erihimbula obutseme bwenyu. (Omugambuli 9:11) Kundi awite olwanzo, oMungu akatuwatikaya omughulu tukabya n’amalighe. Wamabikolesya esyokanuni sy’eBiblia esiri oko hiyani ehikwamire, iwe n’obunyumba bwaghu imukenditoka erisoha n’emyatsi eyikalakalire.

1 YIKETERE YEHOVA

EKYO EBIBLIA IKABUGHA: “Muhire erihangya-hangya lyenyu lyo k’[oMungu, NWT] kusangwa akabategaya.” (1 Petero 5:7) Obuli kiro w’ibuke ngoko Mungu syanga kuletera ebitsibu. (Yakobo 1:13) Ngoko unemuseghera hakuhi naye, Yehova akendi kuwatikya omo nzira eyuwene kundu. (Isaya 41:10) “Mumubwire amalighe wenyu wosi.”​—Esyonyimbo 62:8.

Omughulu mukasoma n’erigha eBiblia obuli kiro mukandisunga obukirania. Neryo, mukandi yilangirira ngoko Yehova ‘yukatukiranaya omo malige wetu wosi.’ (2 Abanya Korinto 1:3, 4; Abanya Roma 15:4) Akalagha ati akendikuha “obuholo bw’ [oMungu, NWT], obulabire amenge wosi.’​—Abanya Filipi 4:6, 7, 13.

EKYO WANGAKOLA:

• Musabe Yehova abawatikaye eribya n’omutima owatekene n’erilengekania ndeke

• Mulengekanaye oko byosi ebyo mwangakola, neryo musombole enzira eyuwene

2 UYITEGHAYE IWE N’ABOMO NYUMBA YAGHU

EKYO EBIBLIA IKABUGHA: “Omutima[ w’omundu w’obwenge, NWT] akabana eriminya; n’okutu kw’ow’amenge kukasonda-sondaya eriminya.” (Emisyo 18:15) Uyitsinge eriminya omwatsi wo ndeke. Lebaya eky’obuli mundu omo nyumba alayireko. Kanaya nabo. Ubahulikirire.​—Emisyo 20:5.

Byangabya biti oyowanzire amahola kwehi? Siukwe buba erikangania ebiri omo mutima waghu. W’ibuke ngoko Yesu naye “mwalira.” (Yoane 11:35; Omugambuli 3:4) Eriluhuka ndeke n’eriyato ndeke ni rya mughaso. (Omugambuli 4:6) Eki kikendi kuwatikya erilwa n’obulighe obuliho.

EKYO WANGAKOLA:

• Embere obulighe buhike, ubeghere erikania n’abali omo nyumba yaghu. Omughulu esyombanza syamahika sibendisagha erikania naghu

• Kaniraya abandi ababiribya omo bulighe obuli ng’obo

3 SABA OBUWATIKYA OBO ULAYIREKO

EKYO EBIBLIA IKABUGHA: “Omwira akanza emigulu yosi; n’omugala wabo akabutawa busana n’obulige.” (Emisyo 17:17) Abira baghu bangananza erikuwatikya, aliwe banganabya isibasi nga bangakuwatikya bati. Isiwabula eribwirabo ebyo ulayireko. (Emisyo 12:25) Kandi, usabe obuwatikya bw’omutima oko bandu abasi eBiblia. Amahano w’eBiblia agho bakendikuha akendi kuwatikya.​—Yakobo 5:14.

Ukandibana ubuwatikya obo ulayireko omughulu ukandibya ukakania n’abandu abikirirye oMungu n’emyatsi eyo abirilagha erituletera. Kandi ukandibana obukirania bungi omughulu ukawatikaya abatolere erisubibwa omutima omonda. Kanaya nabo oko myatsi eyo w’ikirirye n’emyatsi eyo Yehova abirilagha erituletera. Kola emyatsi mingi y’eriwatikya abandi abalayire oko buwatikya, kandi isiwabya hali n’abandu abakwanzire n’abakutsomene.​—Emisyo 18:1; 1 Abanya Korinto 15:58.

EKYO WANGAKOLA:

• Kaniraya omwira waghu w’oko mutima kandi isiwaghana obuwatikya bwiwe

• Bwira abandi ebyoghulayireko butsiribisa kandi butsiribateba