Kaxxa għall-​Mistoqsija

◼ Huwa xieraq li niġbru materjal li jkun se jintuża fl-​Iskola tal-​Ministeru Teokratiku u nqassmuh lil oħrajn?

Nistgħu nagħmlu dan għall-​użu persunali tal-​membri tal-​familja tagħna jew taʼ ftit ħbieb li huma qrib tagħna. Madankollu, dan il-​materjal m’għandux jintgħamel disponibbli għat-​tqassim ġenerali jew jiġi provdut għall-​bejgħ, għaliex dan ikun ksur tal-​liġijiet li jħarsu d-​drittijiet taʼ l-​awtur.​—Rum. 13:1.

Għal ċerti inkarigi fl-​Iskola tal-​Ministeru Teokratiku, tiġi provduta t-​tema biss; ebda referenza ma tiġi indikata bħala sors tal-​materjal. Xi ngħidu jekk xi ħadd iħejji lista taʼ referenzi jew jiġbor il-​materjal li jistaʼ jintuża bħala sors biex jużawh dawk li jirċievu inkarigi bħal dawn? Ikun dan taʼ benefiċċju? Le. Lanqas ma jkun xieraq li jinġabru t-​tweġibiet għall-​mistoqsijiet tar-​Reviżjoni taʼ l-​Iskola tal-​Ministeru Teokratiku biex jintużaw minn oħrajn, għaliex dan mhux se jgħinhom iżommu f’moħħhom il-​punti importanti. L-​istudenti għandhom jagħmlu r-​riċerka tagħhom. Dan hu aspett importanti tat-​taħriġ li Ġeħova jipprovdi permezz taʼ l-​iskola biex jgħinna nitkellmu bi “lsien taʼ dawk li huma mgħallmin.”—Is. 50:​4, Karm Żammit.