Skeda għal-​Laqgħat tas-​Servizz

Ġimgħa li Tibda 11 taʼ Settembru

Għanja 20

10 min: Avviżi lokali. Avviżi magħżulin mill-​Ministeru tas-​Saltna. Inkuraġġixxi lil kulħadd biex jara l-​vidjo Young People Ask​—How Can I Make Real Friends? (Iż-Żgħażagħ Jistaqsu—Kif Jistaʼ Jkolli Ħbieb Veri?) bħala preparazzjoni għad-​diskussjoni li se ssir fil-​Laqgħa tas-​Servizz fil-​ġimgħa li tibda 25 taʼ Settembru. Permezz tas-​suġġerimenti f’paġna 8 jew preżentazzjonijiet oħra adattati għat-​territorju tiegħek, ħejji turija dwar kif jiġi offrut It-​Torri taʼ l-​Għassa tal-​15 taʼ Settembru. Waqt it-​turija, għandu jintwera kif nistgħu nkellmu lil xi ħadd li jipprova jwaqqaf il-​konversazzjoni billi jgħid: “Għandi r-​Reliġjon Tiegħi Stess.”—Ara l-​ktejjeb Kif Nibdew u Nkomplu Diskussjonijiet Fuq Il-​Bibbja, pġ. 10-11. Agħmel avviż dwar l-​arranġamenti speċjali tas-​servizz taʼ l-​għalqa għall-​Ħamis 21 taʼ Settembru li se tkun festa pubblika.

20 min: Ibbenefika mil-​Laqgħa tas-​Servizz u mill-​Iskola tal-​Ministeru Teokratiku. Taħdita u diskussjoni maʼ l-​udjenza bbażati fuq il-​ktieb Organizzati biex Nagħmlu r-​Rieda taʼ Ġeħova, mis-​sottitlu f’paġna 64 sas-​sottitlu f’paġna 69.

15 min: Ittra mill-​Uffiċċju. Taħdita u diskussjoni maʼ l-​udjenza bbażati fuq l-​ittra li tidher fuq l-​ewwel paġna tal-​ħarġa tal-​Ministeru tas-​Saltna. Inkludi kummenti mill-​artiklu “Tistaʼ Tagħmel Lilek Innifsek Disponibbli?” li jidher fil-​ħarġa taʼ Ġunju 2001.

Għanja 126 u talba taʼ l-​għeluq.

Ġimgħa li Tibda 18 taʼ Settembru

Għanja 213

5 min: Avviżi lokali.

15 min: Kif Morna s-​Sena l-​Oħra? Lindokratur tas-​servizz jirrivedi s-​sena taʼ servizz li għaddiet, waqt li jiffoka fuq l-​affarijiet tajbin li twettqu fil-​ministeru. Agħti tifħir xieraq. Semmi xi punt jew tnejn li l-​kongregazzjoni għandha taħdem fuqhom fis-​sena li ġejja. Ikkummenta fuq l-​attività tal-​pijunieri, u faħħarhom għax-​xogħol tajjeb tagħhom. Semmi xi riżultati tajbin li nkisbu mill-​isforzi biex tingħata għajnuna lill-​uħud inattivi.

25 min: “Kampanja Speċjali mis-​16 t’Ottubru sat-​12 taʼ Novembru!” Diskussjoni vivaċi minn anzjan. Wara li taqra l-​avviż provdut fl-​ittra lill-​ġemgħa taʼ l-​anzjani bid-​data tas-​7 taʼ Lulju, 2006, qassam kopja tal-​fuljett Aħbar tas-​Saltna Nru. 37 lil kull persuna fl-​udjenza. Imbagħad kompli b’diskussjoni f’għamla taʼ mistoqsija u tweġiba taʼ l-​artiklu. Spjega l-​arranġamenti lokali li se jsiru biex ikopru t-​territorju kollu. Inkuraġġixxi lill-​pubblikaturi kollha biex jieħdu sehem sħiħ fil-​kampanja. Uri preżentazzjoni fil-​qosor.

Għanja 50 u talba taʼ l-​għeluq.

Ġimgħa li Tibda 25 taʼ Settembru

Għanja 94

10 min: Avviżi lokali. Aqra r-​rapport tal-​kontijiet u l-​ittra taʼ ringrazzjament għad-​donazzjonijiet. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Settembru. Permezz tas-​suġġerimenti f’paġna 8 jew preżentazzjonijiet oħrajn adattati għat-​territorju tiegħek, ħejji turija dwar kif jiġi offrut It-​Torri taʼ l-​Għassa taʼ l-​1 t’Ottubru waqt għoti taʼ xiehda fit-​toroq.

25 min: “Vidjo li Hu taʼ Min Jaħseb Fuqu bis-​Serjetà.”a Waqt li tiddiskuti paragrafu 1, staqsi lill-​kongregazzjoni biex tikkummenta fil-​qosor dwar il-​vidjo Young People Ask​—How Can I Make Real Friends? Imbagħad ibda mill-​ewwel b’diskussjoni fuq kull mistoqsija preżentata f’paragrafi 2-7. Bħala konklużjoni, inkuraġġixxi lill-​familji biex ukoll jaraw flimkien fil-​futur qarib il-​vidjo fuq DVD Young People Ask​—What Will I Do With My Life? (Iż-Żgħażagħ Jistaqsu—X’Se Nagħmel b’Ħajti?)

10 min: Bżonnijiet lokali.

Għanja 183 u talba taʼ l-​għeluq.

Ġimgħa li Tibda 2 t’Ottubru

Għanja 36

5 min: Avviżi lokali. Irrivedi l-​Kaxxa għall-​Mistoqsija.

20 min: Ħbiberiji fl-​Iskola—Safejn Għandek Tasal? Taħdita u diskussjoni maʼ l-​udjenza bbażata fuq paġni 25-27 taʼ Stenbaħ! t’April-Ġunju 2006. Stieden lil dawk fl-​udjenza li trabbew f’familji Kristjani biex jikkummentaw dwar kif il-​ġenituri ppreparawhom biex jiffaċċjaw l-​isfidi u japplikaw il-​prinċipji Bibliċi fl-​iskola. Minn qabel jistgħu jiġu preparati kumment jew tnejn.

20 min: “L-​Għoti taʼ Xiehda minn Dar għal Dar.”b Sakemm jippermetti l-​ħin, stieden lil dawk fl-​udjenza biex jikkummentaw fuq l-​iskritturi ċitati.

Għanja 127 u talba taʼ l-​għeluq.

[Noti taʼ taħt]