Tafha t-​Tweġiba?

(It-tweġibiet għal dan il-​kwizz jistgħu jinstabu fil-​versi ċitati mill-​Bibbja, u l-​lista sħiħa taʼ tweġibiet hija stampata hawn taħt. Għal iktar tagħrif, irreferi għall-​pubblikazzjoni “Insight on the Scriptures,” pubblikata mix-​Xhieda taʼ Jehovah.)

1. Il-​kongregatur għal liema raġuni qal li “ħabel bi tlieta m’hux lakemm jinqataʼ”? (Koħèlet 4:12)

2. Taħt il-​Liġi Mosajka, liema żewġ karatteristiċi kellhom ikollhom dawk l-​annimali li setgħu jittieklu? (Dewteronomju 14:6)

3. Min kien missier Ġożwè? (Ġożwè 1:1)

4. Meta Jehovah ħallieh imiss lil Ġob fiżikament, Satana x’għamillu lil Ġob? (Ġob 2:7)

5. Min qal lis-​Sultan Assweru dwar il-​forka għolja 50 driegħ li Ħaman kien għamel għal Mordekaj, u b’hekk qanqal lis-​sultan biex jordna li Ħaman jiġi mdendel magħha? (Ester 7:9)

6. Ġesù minn xiex qal li kellhom jintgħarfu l-​profeti foloz? (Mattew 7:​15, 16)

7. Liema titlu taʼ Jehovah, li jenfasizza l-​irwol tiegħu bħala l-​Imħallef l-​iktar maestuż u li jixraqlu rispett, nistgħu nsibu fil-​ktieb taʼ Danjel biss? (Danjel 7:22)

8. X’affarijiet taʼ valur ġabu l-​iġfna tas-​Sultan Salamun minn Tarsis fil-​vjaġġi tagħhom taʼ kull tliet snin? (1 Slaten 10:22)

9. Min flimkien maʼ Aron għen lil Mosè biex iżomm dirgħajh ’il fuq sakemm Jehovah ta l-​vittorja lil Iżrael kontra l-​Għamalekin? (Eżodu 17:12)

10. Id-​dixxipli x’għamlu biex iddeterminaw min kellu jieħu post Ġuda l-​Iskarjota? (Atti 1:​23-26)

11. Min kien il-​qassis il-​kbir taʼ Iżrael fiż-​żmien meta Samwel sar profeta? (1 Samwel 3:1)

12. Fi żmien il-​konsagrazzjoni tas-​saċerdozju f’Iżrael, Mosè fuq liema tliet partijiet tefgħalhom id-​demm lil Aron u lil uliedu subien? (Levitiku 8:​23, 24)

13. Minflok ma ħalaqha għaliha mit-​trab taʼ l-​art, Alla minn xiex għamilha lil Eva? (Ġenesi 2:​21, 22)

14. Pawlu x’qal li kien l-​“għerq taʼ kull ħażen”? (1 Timotju 6:10)

15. Bħalma hu muri mill-​Iskrittura, żewġ barrin kemm art jistgħu jaħartu f’ġurnata? (1 Samwel 14:14)

It-​Tweġibiet għall-​Kwizz

1. Biex jenfasizza li dawk li jaħdmu flimkien f’unità u bl-​istess skop għandhom iktar saħħa u abbiltà biex ikampaw mal-​problemi

2. Ried ikollhom id-​difer maqsum fi tnejn u jixtarru

3. Nun

4. “Mela lil Ġob bi nfafet qalila minn qiegħ riġlejh sal-​qorriegħa taʼ rasu”

5. Ħarbuna, wieħed mill-​uffiċjali taʼ madwar is-​sultan

6. “Mill-​frott tagħhom”

7. “Xiħ fl-​għomor”

8. Deheb, fidda, avorju, xadini, u paguni

9. Ħur

10. Talbu u tefgħu x-​xorti

11. Għeli

12. Il-​widna l-​leminija, is-​sabaʼ l-​kbir taʼ idhom il-​leminija, u s-​sabaʼ l-​kbir taʼ sieqhom il-​leminija

13. Minn kustilja taʼ Adam

14. “Ir-​regħba għall-​flus”

15. Tomna