ख्रिस्ती जीवन
यहोवाची स्तुती करण्यासाठी जगा!
जीवन ही आपल्याला मिळालेली एक मौल्यवान देणगी आहे. आपण या देणगीचा जसा वापर करतो, त्यावरून आपण दाखवून देतो की आपल्याला तिची किती कदर आहे. जीवनाची देणगी देणाऱ्या यहोवाचा गौरव आणि आदर करण्याची आपली इच्छा आहे. आणि म्हणून यहोवाचे साक्षीदार या नात्याने आपण आपल्या कौशल्यांचा आणि क्षमतांचा त्याची स्तुती करण्यासाठी पुरेपूर उपयोग करतो. (स्तो ३६:९; प्रक ४:११) पण, या दुष्ट जगात आपल्याला दररोजच्या ज्या चिंतांचा सामना करावा लागतो, त्यांमुळे आध्यात्मिक गोष्टींकडे सहजच आपलं दुर्लक्ष होऊ शकतं. (मार्क ४:१८, १९) म्हणून आपण स्वतःला पुढील प्रश्न विचारणं गरजेचं आहे: ‘मी यहोवाला खरोखर आपलं सर्वोत्तम देत आहे का? (होशे १४:२) कामाचा किंवा करियरचा माझ्या सेवेवर कसा परिणाम होत आहे? माझी आध्यात्मिक ध्येयं काय आहेत? मी माझं सेवाकार्य आणखी कसं वाढवू शकतो?’ परीक्षण केल्यावर जर तुमच्या लक्षात आलं की काही सुधारणा करण्याची गरज आहे, तर यहोवाला मदतीसाठी प्रार्थना करा आणि योग्य ते फेरबदल करा. यहोवाची दररोज स्तुती केल्यामुळे आपलं जीवन खरोखरच समाधानी आणि आनंदी बनतं यात काहीच शंका नाही.—स्तो ६१:८.
तुम्ही तुमची कौशल्यं कोणाला अर्पण करत आहात?
आपल्या कौशल्यांचा वापर यहोवासाठी करा हा व्हिडिओ पाहा आणि मग पुढील प्रश्नांची उत्तरं द्या:
आपल्या कौशल्यांचा वापर सैतानाच्या जगासाठी करणं सुज्ञपणाचं का ठरणार नाही? (१यो २:१७)
जे लोक यहोवाला त्यांचं सर्वोत्तम देतात त्यांना कोणते आशीर्वाद मिळतात?
तुम्ही कोणत्या प्रकारच्या पवित्र सेवेत तुमच्या कौशल्यांचा आणि क्षमतांचा वापर करू शकता?